[الخلوق]

حياكي الله أختي
أنا أبعطيك بشكل عام عن كل المواد أفضل ما وجدت من خلال تجربتي :
-في مادة الكيمياء :ملخص الأستاذ يوسف زويل (لكن المذكرة مهي كاملة إلا إذا كملها السنة هذي ما أدري) ،الجزء اللي مهب موجود في المذكرة هو الكيمياء العضوية تذاكرينه من كتاب اسمه (مختصر الكيمياء) وهو بالعربي وممكن تذاكرين منه أي شي هذا الكتاب ساعدني كثير في الفهم ،وتذاكرين من الكتاب الأساسي للمادة: التعاريف والملاحظات ، هي تجي في الكتاب مربعات ملونة يكون فيها تعاريف وملاحظات هي اللي تذاكرينها من الكتاب الأساسي ترا يجي منها في الاختبار.

-في مادة الأحياء :-ذاكري من التست بانك فقط ، أنا واحد سمع كلام الدكتور وذاكر من الكتاب والشرائح اللي يعطينا الدكتور وضيع وقته صراحة عليها ،ومن ثم حملت المادة وأخذتها صيفي ،لكن يوم جا الصيف وطنشت الدكتور ولا سمعت كلامه ،وذاكرت بس من التست بانك أخذت درجة فوق 85 الحمد لله.

-في مادة الرياضيات:-ذاكري من مذكرات أشرف بركات.

-في مادة الإحصاء:- ذاكري من مذكرات أشرف بركات (وإن كانت كثيرة ،لكن الشرح مهو كثير اللي مكثرها مسائل).

-في مادة الفيزياء :- ذاكري من مذكرة أشرف بركات.

-في مادة الانجليزي:- لكي طريقتك في المذاكرة ما أقدر أقول لك شي لأن حنا كانت إختباراتنا موحدة يعني كل المستويات اختبارها واحد ، لكن أنتم إختلفتو عننا راح يختبر كل مستوى من كتابه.

-والمواد الثانية بالعربي حاسب ومهارات اتصال تذاكرين من الكتاب وإن شاء الله ما عليكي خوف.

....وترا هذا الكلام اللي اقوله عن الملخصات شي من تجربة شخصية وارتحت لها ،وفيه ملخصات وكتب ثانية قد تكون أفضل من اللي قلت لكي ممكن ترجعين لها لكن أنا قلت لك اللي أعرفه......

أتمنى إني أفدتك................وشكرا...........