[مشمشانا]

ابغى ازيد شغلة على كلا اختي ((حياتي تواضع ))


في الجامعة مافي زي المدرسة احد يجري وراكم و يدخلكم الكلاس
يا تروح بنفسكم يا محد سال فيك كثير بنات و شباب يسحبو خصوصا على الانجليزي
واخر شي اطورطوا لانو 1) 7 غيابات و تاخد DN يعني حرمان من الاختبار و تحمل المادة
2) وقت الاختبار تحس نفسك تايهه و موفاهم و مو عارف اللي معاك من اللي مو معاك
و 95% من اللي يسحبو على المحاضرات درجاتهم جدا جدا جدا سيئة
و 5% الباقين درجاتهم عادية بس لا تدخلهم اي تخصص طبي او هندسة

معليش راح تحسو نفسكم تايهين و تعبانين و مكرفوين بس فكرو فيها انها بدي السنة
يا راح تكمل مشوار 12 سنة اللي فاتو او تضيعو

لا تسمعوا لاي احد يقول صعب وحاحمل المادة و ما تنحل وتعجزية كلو كلااااااااااام فاضي
بالعكس وقتكم وتفكيركم كلو حيضيع على ذا الكلام و يكون في علمكم انو كثير من اللي يقولو ذا الكلام
درجاتهم a و a* بس ليه يقولوه ما ادري يعني في بعضهم بس من باب ما ابغى احد يحسدني
ولا ما يبغى احد ينافسو او من ذا الكلام وشفت للاسف كثير منهم

===

بالنسبة للماث لازم تتعلمو تكتبو وتحسبو بسرعة و اول باول لانو الوقت ضيق و ممنوعة الحاسبة

و الاحصاء نفس الشي لازم تتعودو على الحل السريع صح راح تدخل الحاسبة بس الاحصاء في افكار كثير

الكيميا نفس الشي لازم تكون يدك سريعة لانو الاسئلة مليانة و في بعضها يبغالو حل خصوصا المسائل

الفيزيا زيها زي الاحصاء يدك لازم تكون سريعة و حساباتك تكون دقيقة عشان ما يضيع الوقت عليك

===

الله يوفقكم و يحققلكم احلامك
=)