 بسم الله الرحمن الرحيم
السلام عليكم ورحمة الله وبركاته
كيفكم ياحلوات
في البداية احب اشكركم جمعيا على هذا التعاون
وهذه النصائع والمعلومات المفيدة جدا
صراحة استفدت منها لابعد الحدود
ولو اظل اشكركم طول العمر ماوفيت حقكم
ولا رديت جزاء ولو بسيط من جميلكم
الله يوفقكم دنيا واخره ويسر لكم الدراسة
وكل اموركم حياتكم وياساعدكم زي ما ساعدونا
والله صراحه ماني عارفة ايش اقول وكيف اشكركم
انا وحدة ما اعرف في اللباقة واداب الحديث وكيف اشكر الناس
(يعني بالعربي ام العربجه في راسي ) سامحوني على التقصير في حقكم
ولو سمحتو عندي سؤال : الحين ندوام يوم السبت عشان نساوي الجدوال والا لا ؟
ولو بنداوم نطبع بطاقة تسجيل المواد الي حطتها وحدة من الاخوات الكريمات
وناخذها معنا والا مايحتاج ؟
وكمان وين نروح نسجل المواد الي نبغا ندرسها ؟
( هذا مو سؤال واحد هذا كومة اسئله < سوري بنات على كثرة الاسئله )
وعندي طلب كمان قريت انه ودكم تتقابلوا في الجامعه وتتعرفوا على بعض
اذا ما عندكم مانع فضلا لا امرا ممكن اتقابل معكم انا وصحبتي
ودي صراحة اقابلكم واشكركم وجها لوجه اذا ماعندكم مانع
واذا تم الموافقة على طلبي ياليت تقولون متى نتقابل وفين
(مو كاني انعطيت وجه بزيادة )
شكرا لكم جمعيا واسفه على الاطاله
لكم مني ودي واحترامي والدعاء لكم بالتوفيق
|
و عليكم السلام يا قلبي لا شكر على واجب و مرحبا بيكي راح نتشرف و الله بمعرفتكم
شوفي الموضوع الخاص بالتجمع
بالنسبة لبطاقة الحذف والاضافة اللي تقولي عنها دورت عليها و مالقيتها
فياريت تعطيني الرابط عشان اطبعها و اجيبها معايا
لانو لو رحتي الجامعة و ناقصك ورقة فمشوارك راح يروح بلاش و على فكره احتياطا جيبو صورة من جداولكم لو فيها مواد مدري يمكن تحتاجوها ...
ازا اتفعل
الحذف والاضافة تقدري تضيفيها من الموقع( لكن على ما يبدو ان الاوديوس مو راضي يفتح فشكلو ضروري نروح السبت) لازم المرور على المشرفة على الدراسات العليا الدكتوره هنادي و هي ترشدنا.... لسه ما تشرفت بمعرفتها
شوفي موضوع طريقة عمل الجدول الدراسي للاخت شواطيء البحر
و هي راح ترشدك و توجهك بالمواد اللي تضيفيها لكن معروف اول ترم ما تضيفي غير احصاء حيوي و مواضيع خاصة في الاحياء فقط و هي نصيحة متدوالة بين كل البنات
