شوفي ياعسل أنا دخت السبعة دوخات عشان أخذ دورة مكياج عند وحده مبدعة مش أي كلام
يعني مش زي شغل بعض المشاغل الغبية "التايغر والرسمة المفتوحة...">>>> يعني شغل دفش
وأخيراً أخذت الدورة عند وحده
شغلها ماشاء الله روووووعة
أحس شغلها قريب من شغل جويل
من حيث الترتيب ونظافة الوجة
وبصراحة أتقنت المكياج والكل لاحظ
صح قبل الدورة كنت أزبط الأساس
أما الشدو أنسي حكايته كنت ماأعرف كيف يطلع على عيني كأني مغبرة عشان كذا كنت أكحل عيني وأسوي الماسكرا بس
بس بعد الدورة تعلمت أنو في أشياء مهمة تبين للوجهة نضارته
كيف وضع البلشر وفين المناطق اللي تبرزيها بالإضاءة
وأيش المناطق اللي تخفي عيوبها 
وكيف تستخدمي الكونسينر
يعني شغل بأمانة
بس ماأعرف إذ لسه تعطي دورات وإلا لا؟؟؟؟
إذ أقتنعتي فيها أرسلي لي ع الخاص
وأنا حأكلمها.
وعندكـ كمان مشغل ريتاج في حي الفيصلية عند المعهد الصناعي
بس لاترضي تأخذيها إلا عند فاطمة العمودي
وحده تعلمت على إيدها
شغلها مرتب >>> ماشاء الله
سمعت الدورة مدتها أسبوعين وسعرها 4000
بس كل شوية يغيروا أسعارهم
أنصحكـ فيه إذ أنتِ حابة تروحي لمشغل مو لبيت
كمان سمعت عن معهد الأنامل الذهبية >>> أظن أسمه كذا
بس سمعت أسعاره خيالية
بس ماأعرف إذ شغلهم حلو وإلا لا ؟؟؟؟
بس ع فكرة ماأنصحكـ بالمعاهد
وعندكـ نفيسة شمس سمعت يسوا دورات تجميل
كمان ممكن تأخذيها في المشاغل اللي شغلهم حلو
زي أمارة أو جاك أو دارالموضة
في النهاية أنصحكـ فبل ماتأخذي الدورة تكتبي في ورقة الأشياء اللي نفسكـ تتعلميها
مثلاً رسمة معينة لأنو البعض يعطي الرسمات كلها والبعض
يعطي 7 رسمات بس
وممكن تطلبي تعلمك حركات حلوة مثلاً
كيف تسوي الأضاءة الذهبية اللي في بداية العين زي الممثلة فاطمة الصفي
وخذي معاك الأشياء اللي ورطتي وأشتريتيها وماعرفتي تستخدميها
عشان تعلمك عليها
أهم شيء رتبي نفسكـ قبل الدورة
الله ييسرها لكـِ