[مهموم والله]

المشاركة الأصلية كتبت بواسطة مودي قود افتر نون سلاام عليكم كيفكم يا طلاب ما ادري ايش مصحينا لما الان بس مشو حاالكم انا طالب جديد واكييد باين علياا النشااط والطمووح حبيت اسئل عن كم عدد الطلاب معايا في القاعه وكلها نفس الطلاب الي في المواد يعني ما يتغيرو وهل الانجليزي زيي باقي المواد ؟ وكمااان كيف اعرف فصلي ووين ادااوم انا مسار علمي انتظام ؟ بالنسبه للملخصاات والكلام الي قاعدين تقوولوه الكلام داا يشمل حتى الاختباارات القصيرة انو نذاكر منهاا ؟ وكمااان هل هيا كفايه ؟ اقصد مداتين الكيمياء والاحصاء ؟ الاحياء حيكون كفاايه بنك الاسئله . والانجلش يقوولو انو السنه دي حيكون كل مستوى لو اختبارو الخاص مو زيي السنين الي فااتت دا صحيح ؟؟ وانا جا مكتوب عندي في الجدول 102 يعني المستوى التاني ؟ ادري اسئلة واحد دايخ بس استحملوني

هلآ حبيبي ..

بخصوص عدد الطلاب على حسب ممكن يكونوا 50 طالب وممكن يكونوا 25 تختلف من مادة لمادة يعني المواد العلمية مثل الأحياء الكيمياء والاحصاء والرياضيات والفيزياء يكون عدد الطلاب فيها 50 طالب ولاتستغرب لو لقيت 25 طالب بس لان البقية تلاقيهم يسحبوا اما بقية المواد مثل مهارات الاتصال والحاسب والإنجليزي العدد يكون 25 طالب وطبعا مايجوك فيها الا 15 بالكثير على حسب الشعبة وطلابها فيه شعب طلابها ساحبين وفيه ناس يحضروا تختلف من شعبة لاخرى ..

بخصوص الطلاب نعم الأغلب يكون معك في كل المواد لكن الإنجليزي على حسب المستوى يلي وضعوك فيها ويكونوا الطلاب بشكل عام مختلفين ممكن تلاقي واحد او اثنين من يلي معك في المواد الاخرى بس نادرا تحصل ..

بخصوص المباني حق المسار العلمي انتظام فهي عند مبنى عمادة شؤون الطلاب اما بخصوص المباني يلي راح تدرس فيها فاول ماتروح هناك راح تلاقيها مرقمة وفيه لوحات ارشادية توضح هالشيء وإذا ماعرفت اسأل لاتستحي الكل كذا اول يوم تايه ومو عارف وين يروح وطبعا لازم تتأكد من رقم مبانيك في الجدول وأيضا أرقام الكلاسات حقك حتى اول ماتدخل المبنى تعرف وين تروح ...

بخصوص الملخصات ويلي ذكروه في المنتدى نعم صحيح تذاكر منها في كل الاختبارات سواء الدورية أو النهائية والكلام ينطبق على الكيمياء والإحصاء بس قبل كل هذا أهم شيء ركز مع شرح الدكتور خصوصا الإحصاء حتى تعرف تذاكر من الملخصات ..

بخصوص مادة الإنجليزي 102 هذا مو معناه انك في المستوى الثاني لا المادة كذا رمزها يوم تروح الكلاس حقك أكيد الدكتور راح يوضح لكم المستوى حقكم لانه الطلاب يلي معك كلهم نفس مستواك راح يكونو ..

أتمنى أكون أفدتك ولو بشيء بسيط ..

دُمت بخير