[ابتسامة دمعة]

احم احم .... انا وين كنت ناااااااااااااااااااااااااااااااااااااااايمة طول هالفترة ..
لالا لالا ما اصصدق اللي عيوني تشوووووووفه ........... تبون الصدق ماكنت نايمة الي اسبوع ماذقت النوم زين مدري اش فيني ولعلمكم تراني مواصلة من يوم الاثنين الساعه 12 ظهرا الى الان مانمت غير 4 سااااعات ( اوه مصيبه بحياتي)
بس بجد حسيت نفسي في عالم تاني ..
انتم هنا حركااااات بركاااااااااات وتعاون ومحبة واخاء واظن قريت عزومات كمان ...
ياسلام ياسلام وربي احلى بنااااااااات ( البنات البنات اجمل الكائنات )
الا قولي لي انت من وين طلعتي لنا ( حلمي اكون معيده ) جعل ربي مايخليك معيدة وبس الا بروفيسورة زمااانك ياقلبي .. فديتك ياشيخه وربي انت روعه !! روعه !! روعه!! روعه!!
بنات لاتلوموني على المقدمه بس بجد ترى عيوني مغمضة بس ادور على الحروف ابي انام بس لازم اسوي هجوم بالاول على تجمعكم هدا ليه خير ان شاء الله ماعزمتوني ؟؟؟ وحده زعلانه وجوعانه ( بجد جوعانه بس للاسف انا صايمه )
حبايب قلبي انت .. اشكر من طرحت الموضوع كل الشكر والها هدية مني اذا شفتها وتعرفت عليها بديها
واشكر كل البنات الحلوين يالله بحاول اتذكر لولو اسمها الجديد امونه اظن ياساتر لو غلطت ( تستاهلين طراق يصحيك ) وغاليتي لولو اوووه لالا غاليتي نيفر و و ياس اي ويل ( على كيفك تكتبي اسمي ) ووووااااااااا والحبوبه دلوعه ( جبت اسمك كان وده يهرب مني ) وو رورووو ومن كماااان ياربي ذكرني اي اش اسمك ياقلبي sam sh اهم شي انو عقلك جميل يالله السراحه مابي اغش وافتح الصفحات اتوقع في بنات كمان
لاتزعلون كلكم اقمار 14 بذوقكم واخلاقكم وحبكم للعلم وتعاونكم واجتهادكم ..
في وحده منكم السراحه اني اتوقع بدبر لها عملية اختطاف لفترة محدوده وبعدين بنرجعها لكم لاني حاستها مررررررررررررة مفيدة ( حلمي اكون معيده ) اش رايك ؟؟؟
تسلمي ياحلمي تسلمي ياقلبي على ذوقك واخلاقك وتعاونك .. لافض فوك وسلمت اناملك ( تطقطق على الكيبورد ) ودمت في توفيق ومحبة من الله .. وربي يحقق حلمك عاجلا غير اجل ..

طيب دحين ممكن تسمحوا لي بمداخله بسيطه ( هو بعد الكلام اللي فوق شي ) ماكتر هرجك !!!
قرات واستفدت من موضوعكم الكتير ... ابغى اسئلكم بالاول وبعدين بقول اقتراحي ..
عرفت انو مادتين اجبارية ( مواضيع خاصة في الاحياء - احصاء حيوي) وانتو تقولوا دسمه ( الا الدسم ما احبه احب المقرمشات ).. انا ولله الحمد طالبه متفوقه في حياتي الدراسية وماعمري ولله الحمد مريت باي صعوبه في المناهج ..وبنفس الوقت الان ماعندي اي شي يشغلني او يلهيني عن الدراسه .. وحاسه نفسي عندي القدرة اضيف مادة تالته .. اش هي ؟؟
من المواد الاجبارية المادة الاختيارية من اي مسار؟؟ هل اقدر اضيف مادة اختيارية الترم هدا ؟؟
السراحه ابغى اضيف مادة تقنية المجهر الإلكتروني ( وقريت احد الردود تقول من اسهل المواد )
لاني ابغى اتخصص فسيولوجي حيوان .. مارايكم وما رايك غاليتي حلمي اكون معيده ؟؟
الشي التاني انا خفت ورجف قلبي بجدبجد يوم قريت انو الماده بقسم الاولاد ويدرسها استاذ يعني وجها لوجه ( احس قلبي ينبض بكل جسمي ) هل دايما كدا ؟؟ وكيف تروحوا لقسم الاولاد ؟؟
اه في سؤال المواد الاجبارية بالعربي والا الانجليزي ؟؟

اما الاقتراح : كاني سمعت انكم ودكم تتقابلوا يوم من الايام ؟؟؟ مستحيه وخجوله والله من ( حلمي اكون معيده )
ودي انا و2 من صاحباتي نجتمع معكم وهدا بعد اذن اختنا والاخوات ..
احنا سراحه من جامعة الطائف ومابنعرف شي بجامعة المؤسس ( مع الخيل ياشقرا)
اذا تمت موافقتكم لاستقبالنا ( الله الله اللي يسمعك دحين يقول وفد من الكونجرس) اتمنى منكم تحددوا يوم وساعه ومكان واش رايكم كل وحده تحدد اش تلبس كمان ؟؟ والعزومه علي ( قدها وقدود ) ههههه ( ماتعرف تصب فنجان قهوة ) لالا انا شاطرة لا تضحكوا علي ..
اش قلتوا حبايبي .. اش رايكم ؟؟؟!!
( قلنا طرااق على راسك وكوب مويه تلج على وجهك واصحي من نومك واكتبي كلام بنت عاقله )