[فندام]

بس بدي اضيف ياأخت حلمي ماجستير انو في تغير هام حصل بالنسبه لشروط القبول بالماجستير الخاص وهو انو اختبار كفايات الغه الانجليزية صار الزامي والمتقدم مخير بيته وبين اختبار التوفل والدرجة المطلوبه بالتوفل هي 450 وصار اختبار اللغة الانجليزية لو نسبة 10% من النسبة المئوية الموزونه وماحتقبل ادورات باللغة الإنجليزية من أي معهد كان وبكدا صار توزيع نسبة التقييم كالتالي
40% على درجة اختبار القدرات العامة
30% على نسبة التخرج بشهادة البكالريوس
20% على الدورات والخبرات
10% على درجة اختبار اللغة الانجليزية سواء اختبار كفايات او التوفل
فأمامك اختبارين هامين هما اختبار القدرات العامة واختبار كفايات اللغه الانجليزية وانصحك تدخلي اختبار كفايات لأنو اسهل من التوفل بس طبعا بدو استعداد جيد لو حصلتي على درجات عالية في هذين الاختبارين ممكن تنقبلي بالماستر بإذن الله هذا بالإضافة للدورات والخبرات الي عليها 20% فالوقت امامك كافي جدا عشان تدعمي الس في تبعك بدورات تدريبية وايضا عشان تتقوي في اللغة الانجليزية وبالنسبة لإختبار القدرات العامة أنصحك بكتاب اختبار القدرات العامه للجامعيين للأستاذ/ محمحد عبدالعزيز طيب الكتاب ممتاز وحيساعدك على اجتياز الاختبار بدرجه عاليه بإذن الله بس الكتاب مليان وبدو دراسه متأنية وتركيز كبير يغني لازم تدرسيه قبل الاختبار بمدة كافية لاتقل عن ثلاثه اسابيع حسب وجهة نظري عشان تقدري تستوعبي كل الي فيه بشكل جيد والكتاب موجود بمكتبات جرير والعبيكان فابدئي من الان
أما بالنسبة للتقديم للماجستير الخاص فحيكون العام القدم بإذن الله