السلام عليكم ورحمة الله وبركاته
بنات أنا عندي سواق خاص، وهو سواق بيتنا
وبصراحة أريح لي من هجولة الباصات وبعض سواقين الباصات اللي عيونهم طويلة وكلامهم كثير وووو
بس المشكلة الوحيدة إنه ما يجوز أركب معاه لحالي، مع إنه محترم ومتدين، بس ما بخلو معاه اتقاء للشبهة
وبيتي مشوار دقيقتين تقريبا من دوار التاريخ، حي النعيم
فأنا ما عندي مانع أتفق مع وحدة معاكم بحيث تروح معايا وتجي بسواقي
سواء الشمعة الذائبة أو الطموحة أو غيرهم، يعني أي وحدة جهة دوار التاريخ
وطبعا ما حتدفع أي مبلغ << عرض مغري : )
لكن لو تقدر تجيني ببيتي الصباح وبعدين آخذها معايا للجامعة، وفي الظهر نرجع بيتي وأحد يجيبها من أهلها فأفضل
طبعا اتقاء للحرام والخلوة معاه ولو خمسة دقايق
وإذا ما اتوفر هذا الشيء فخلاص آخذها الصباح من بيتها وأرجعها كمان
لكن إذا كلمتني بنتين مثلا .. وحدة تقدر والثانية لأ .. فالأولوية للي تقدر
وبالنسبة لمواعيد جداولنا فإن شاء الله حتنزل الأربعاء ونتفق
فاللي يناسبها تكلمني عالخاص لأنه مشاركاتي ما تسمح
والله ييسر اللي فيه الخير