[ورد الطائف 07]

بسم الله الرحمن الرحيم

ياريت نفهم ان:

"كذلك كنتم من قبل فمن الله عليكم"

انت لو كنت بتصلى وملتزم فده مش فهلوة منك ده ربنا انعم عليك وأعانك على الطاعة

فياريت نتوب عن ده ونعزم اننا مش هنعمل كده تانى ابدا

و احياء لسنة النبى الموضوع ده هدفه اننا نغير الثقافة دى ونكره الغلط ونحب الانسان لان مافيش انسان معصوم من الغلط

واذكر نفسى واياكم بـ:

" لا تدخلون الجنة حتى تؤمنوا، ولا تؤمنوا حتى تحابوا..."


ازاى احب العاصى؟


احب العاصى ازاى وهو بيعمل حاجات تغضب ربنا
يعنى هو يغضب ربنا وانا احبه انا مش قادر اعمل حاجة زى كده وحاسس ان ده صعب

طيب

اولا ربنا خلقنا بنغلط وانت عارف ده

"كل بنى ادم خطاء وخير الخطائين التوابون"

يعنى هنغلط هنغلط ومافيش حد معصوم من الخطاء المهم انك تتوب

وكمان انت عارف ان الرسول قال:

والذى نفسى بيده لو لم تذنبوا لذهب الله بكم ولجاء بقوم يذنبون فيستغفرون الله
فيغفر لهم

وعلشان الموضوع يبقى سهل علينا كلنا ونعين بعض اننا نغير من نظرتنا للعاصى هنشمى الاول على خطوات وارجوا ان الكل يشارك برايه وبتجاربه

اولا:

شوف حب ربنا لنا:

يقول الله فى الحديث القدسى:

*ما من يوم إلا ويستأذن البحر ربة يقول يأرب ااذن لي أن اغرق ابن ادم فأنة أكل رزقك وعبد غيرك
وتقول السماوات يأرب ااذن لي أن أطبق على ابن ادم فأنة أكل رزقك وعبد غيرك
و تقول الأرض يارب أأذن لي أن ابتلع ابن ادم فأنة أكل رزقك وعبد غيرك
فيقول الله تعالى
"دعوهم لو خلقتموهم لرحمتموهم "

*أوحى الله إلى داود يا داود لو يعلم المدبرين عنى شوقي لعودتهم ورغبتي في توبتهم لذابوا شوقا أليا
يا داود هذه رغبتي والمدبرون فكيف محبتي بالمقبلين عليا
....

تخيل اللى انت مش قادر تحبهم دول ربنا بيشتاق ليهم

ثانيا:

افتكر دايما ان:

*العبرة بالخواتيم

عندك ابليس مثلا كان طائع جدا لدرجة انه بقى فى منزلة الملائكة لكنه فى الاخر بقى اية؟
والعكس
ربنا يحسن اخرتنا كلنا

وافتكر ان:

"كذلك كنتم من قبل فمن الله عليكم"

وحط نفسك دايما مكان الشخص اللى بيغلط كان ممكن تكون مكانه او انت بالفعل كنت مكانه فى يوم من الايام وربنا من عليك

وافتكر ان :

كل البشر ايا كانوا ومهما كانوا خلقهم الله وده سبب كافى جدا اننا نحب بعض

وافتكر قول رسول الله:

والذي نفسي بيده لا تدخلوا الجنة حتى تؤمنوا ولا تؤمنوا حتى تحابوا أولا
أدلكم على شيء إذا فعلتموه تحاببتم أفشوا السلام بينكم


ثالثا:

الابتسامة

ده حاجز هيمنعك من انك تشعر بشئ من الكره ولو كان بسيط تجاه الشخص اللى ادامك
الابتسامة هتهدى اعصابك وهتملى قلبك بالحب
وراقب نفسك وشوف اذا كنت بتبتسم فى وش الناس ولا لا
لان مافيش حد هيقدر يبتسم فى وش حد وهو مش طايقه الا اذا كان منافق
وبجد وعن تجربة والله البسمة ليها دور كبيييير جدا فى تحسين العلاقات بينك وبين الاخرين واول خطوة لوصولك لقلوب الناس

رابعا:

الظن الحسن فى الشخص العاصى

لانه ممكن يكون مش عارف اذا كان اللى بيعمله ده صح ولا غلط

"فى ناس لسه مش مصدقة ان الارض بتلف اصلا"

خامسا:

لو شوفت حد بيعصى
اروح اقوله ده غلط وماتعملش كده وحرام؟

من رايى

لو صاحبك او اخوك او قريبك ممكن تروح تفهمه ان ده غلط لكن

"بالحكمة والموعظة الحسنة"

لكن لو حد مش عارفه

لو عايز ااثر فى اى حد سواء اعرفه ولا لا
استخدم معاه اسلوب التربية بالحب
لو قدرت اخلى الشخص اللى ادامى يحبنى هقدر ااثر فيه بجد

استاذ مصطفى امبارح وصانا اننا نكسب القلب مش الموقف
وفعلا اول ماتكسب القلب هتقدر تتحكم فى الموقف بعد كده

اخر حاجة:

استعين على كل ده بالدعاء ان ربنا يطهر قلوبنا ويحببنا فى بعضنا

.........

يبقى الخطوات اللى هنمشى عليها

1- ربنا بيحب عباده وبيشتاق للعبد العاصى فماينفعش اكره

2-العبرة بالخواتيم ممكن العاصى ربنا يهديه ويسبقنى للجنة وممكن يبقى عاصى اللحظة دى وبعد ثوانى ربنا يغير حاله وافتكر انى فى يوم من الايام كنت زيه وان ربنا خلقنا كلنا فلازم نحب اى حاجة ربنا خلقها

3-الابتسامة اللى مش هتفارق وشنا واللى هتطهر قلبنا واللى بجد هتعينا اننا نغير نظرتنا

4- الظن الحسن

5- اكسب القلب مش الموقف واستخدم اسلوب التربية بالحب

6-الدعاء

واخر حاجة هختم بيها

العبادة درجة عالية جدا من درجات الحب وده مش كلامى ده كلام ابن القيم

علاقة الحب تبدا بتعلق القلب ثم تقوى فتصير صبابة ثم تقوى فتصير غراما يلزم القلب ثم يقوى فيصير عشقا وهو الحب المفرط ثم يقوى فيصير شغفا وهو الحب الذى قد وصل الى شغاف القلب ثم يقوى فيصير تتيما والتتيم التعبد ومنه تيمه الحب اذا عبده وتيم الله هو عبد الله فيصير القلب عبدا


"حب النبى لاهل المعاصى"

ليه احب العاصى؟

تحبه لانك اصلا مش ملاك ومش معصوم من الخطأ
وكلنا بنغلط
ولو قولت استحالة احب واحد عاصى
يبقى استحالة اننا نحب بعض

يوم ما تلاقى نفسك معصوم من الخطأ ساعتها ممكن تقول انه ماينفعش اقرب لعاصى ولا ابتسم فى وشه ولا حتى اسلم عليه

ولو كنت ملاك فأنت هتستغفر للعصاه
لان الملائكة اصلا بتستغفر لنا

ومش هقولك لو شوفت واحد بيغضب ربنا اجرى عليه وخده بالحضن
اكيد انت لو شوفت حد بيعمل غلط كبييييير مش هتقع فى غرامه من اول نظرة

لكن على الاقل عامله معاملة طيبة
ابتسم فى وشه وقوله ربنا يتوب عليك ويهديك
ده اللى بنقصده

مش تمسك فى خناقه وتقوله اتقى الله يافاجر
مش ده الدين ولا ده اللى ربنا أمرنا بيه

ونصيحة بوصى بيها نفسى قبلكم

ماتتفضلش نفسك على حد انت شايفه ظاهريا عاصى لانك مش عارف مثواه الاخير هيبقى فين وانت نفسك مثواك فين؟


الرسول صلى الله عليه وسلم قال:

"إن أحدكم ليعمل بعمل أهل الجنة حتى ما يكون بينه وبينها ذراع فيسبق عليه الكتاب فيعمل بعمل أهل النار فيدخلها ..وإن أحدكم ليعمل بعمل أهل النار حتى ما يكون بينه وبينها ذراع فيسبق عليه الكتاب فيعمل بعمل أهل الجنة فيدخلها"


مش فى واحدة دخلت النار بسبب قطة حبستها

وفى واحدة كانت بغى "زانية" دخلت الجنة فى كلب شربته ماية


وشوف القصة دى:


كان لاحد الصالحين جار فاسق
فلما مات هذا العاصى وطلب الناس من هذا الصالح ان يصلى عليه..
تأفف الصالح وقال هذا رجل فاسق كيف اصلى عليه
وفى تلك اليلة نام الرجل الصالح ورأى فى المنام
ان الرجل العاصى يصلى فى الجنة

فذهب الى زوجة الرجل العاصى و وسالها ماذا كان يفعل زوجك.
قالت ما كان يفعل الا ما ريتم الا انه كان كل اسبوع يجمع اطفال الحى اليتامى ويقول لهم : ادعو لعمكم عسى ان يغفر الله له

.......

كان احد العلماء قد خرج الى السفر ومعه متاعه وكتبه
وهجم عليه بعض اللصوص واخذوا ما عنده من اكل ومال وكتب
ثم اخذزا يطهون الطعام وياكلون الا كبير اللصوص .. اخذ جانبا ولم ياكل
ساله العالم لماذا لاتاكل اخبره انه صائم اليوم لانها سنة

فتبسم العالم ولسان حاله يقول ... تقطع الطريق وتصوم

وبعد خمس سنين
راى العالم السارق يطوف حول الكعبة ويتذلل لله ويبكى
فعرفه وقال له انت اللص
قال:نعم
قال:كيف وصلت لما انت عليه
قال:يا امام لقد تركت بابا مفتوحا مع الله فدخل اليه من خلاله الا هو الصيام

مش بتحصل كتير دى تلاقى مثلا واحدة لابسة ضيق ورايحة جامع تصلى وتلاقى ناس تتريق شوف عاملة فى نفسها اية وقال اية رايحة تصلى

.......

جاء رجل حديث الاسلام الى رسول الله وسأله :ارايت ان قاتلت فى سبيل الله ااكون فى الجنة ؟
قال:نعم
فقاتل ومن الله عليه بالشهادة
وعند تغسيله تبسم النبى فساله الصحابة عن السبب فقال:
رايته فى الفردوس الاعلى ولم يسجد لله سجدة واحدة



اقولك على حاجة
احنا كشعب اصبحنا مفككين
احنا ولاد الارض الواحدة كل واحد فينا فى ناحية سواء سياسيا او فكريا او دينيا او اقتصاديا

وعلى الوجة العام اصبحنا متفرقين كأمة عربية واحدة
وده رمز للضعف
ومعناه انه سهل جدا ان اى حد ممكن يسيطر علينا
ومعناه حاجات تانية كتير لك ان تتخيل


يعنى خلاص كفايا خلاف لحد كده وكفاية فرقة وتقسيمات
عايزين نتجمع تانى ونرتبط ببعض ونضيق دايرة الخلاف
وده هيحصل بالحب

لو كنت مش مقتنع بفكرة انك تحب العاصى
حبه بنية الوحدة الوطنية يا اخى وتجميع شمل الامة

مش بطلب منك انك تعشقه او انك ماتنمش الليل من كتر حبك فيه بس
عامله بالحسنة

احلى مافى الدنيا

تفتكر ليه فى ناس بتضحى بحاجات كتير فى حياتها سواء كان مال او شهرة او حبيب او سلطة او حتى سهرة فيها هزار وضحك وانبساط وتهرب لربنا؟

اية اللى عند ربنا اللى بيخلى الناس تسيب كل حاجة وتروحله؟

عايزين ياخدوا ثواب مثلا؟

او عايزين يروحوا الجنة؟

طب ما الرسول صلى الله عليه وسلم غفر له ماتقدم من ذنبه وما تأخر واكيد طبعا ان سيدنا محمد داخل الجنة

اية بقى اللى كان بيخليه يقف يصلى ويطول فى الصلاة لحد ما رجله تشققت من الوقوف؟

اكيد فى حاجة

الحاجة دى قال عنها احد الصالحين:

"لو يعلم الملوك وأبناء الملوك ما نحن فيه لجالدونا عليه بالسيوف"

ياسلام

هو اية ده اللى هما كانوا فيه؟

وليه كانوا بيقفوا يصلوا قيام ليل "وكمان مش فرض عليهم يعنى ممكن يعملوا وممكن لا"ويتعبوا من الوقوف فى صلاة اصلا مش فرض عليهم لدرجة انهم لما كانوا يروحوا يناموا مايقدروش يمشوا

كانوا بيحبوا لحد مايوصوا للسرير

فى حاجة بتخلى العباد يقبلوا على العبادة من غير مايحسوا بملل ولا فارق معاهم التعب وبيضحوا بكل ما فى الدنيا من لذات ويروحوا لربنا

هى:

* لذة القرب من الله

ده اللى بيخلى ناس كتير تنسى التعب والمشاقة والمهموم وتضحى بكل حاجة بس اكون قريب منك يارب

هى دى لذه الطاعة والاحساس بحلاوة الانس بالله والسعادة برضى ربنا حتى لو كان كل الناس غضبانين


فليتك تحلو والحياة مريــــــرة .. .. .. وليتك ترضى والأنام غضاب
وليت الذي بيني وبينك عامر .. .. .. وبيني وبين العالمين خراب
إذا صح منك الود فالكل هين .. .. .. وكل الذي فوق التراب تراب


وتعالوا نشوف اقوال الصالحين فى لذه القرب من الله:


قال بعض السلف: إني لأفرح بالليل حين يقبل لما يلتذ به عيشي، وتقر به عيني من مناجاة من أحب، وخلوتي بخدمته، والتذلل بين يديه، وأغتم للفجر إذا طلع لما
اشتغل به.

وكان ثابت البناني يقول: "اللهم إن كنت أعطيت أحدًا الصلاة في قبره فأعطني الصلاة في قبري".

وقال سفيان الثوري: إني لأفرح بالليل إذا جاء، وإذا جاء النهار حزنت.
وكان شيخ الإسلام ابن تيمية – رحمه الله تعالى – يقول: إن في الدنيا جنة من لم يدخلها لم يدخل جنة الآخرة..

إنها الجنة التي لما دخلها الداراني قال: إن أهل الليل في ليلهم ألذ من أهل اللهو في لهوهم... وإنه لتأتي على القلب أوقات يرقص فيها طربا من ذكر الله فأقول: لو أن أهل الجنة في مثل هذا إنهم لفي عيش طيب".

* ازاى بقى احس بالذة دى؟

الموضوع فى الاول مش هيبقى سهل لانه فى تعب ومشاقة وتضحية
بس والله لو حسيت الاحساس ده لمدة خمس دقايق بس هتبقى مستعد انك تضحى بحياتك كلها علشان تحسه مرة تانية


* فأول حاجة:

مجاهدة النفس

قال ابن القيم: "السالك في أول الأمر يجد تعب التكاليف ومشقة العمل لعدم أنس قلبه بمعبوده، فإذا حصل للقلب روح الأنس زالت عنه تلك التكاليف والمشاق فصارت قرة عين له وقوة ولذة".

وقال ثابت البناني: كابدت الصلاة عشرين سنة وتنعمت بها عشرين سنة.

وقال بعضهم: سقت نفسي إلى الله وهي تبكي، فمازلت أسوقها حتى انساقت إليه وهي تضحك.

يعنى محتاج انك تعود نفسك على العبادة وتصبر عليها وخليك فاكر ان ربنا قال:
"والذين جاهدوا فينا لنهدينهم سبلنا"


* تانى حاجة: النوافل

اللى هى السنة وقيام الليل يعنى الصلاة الغير مفروض عليك اللى بتعملها علشان تقرب من ربنا او الصوم الغير مفروض زى اتنين وخميس او صدقة

يقول الله فى الحديث القدسى:

" وما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه"


* تالت حاجة:صحبة الصالحين وترك اصحاب السوء

طبعا دى ممكن تبقى صعبة شوية على بعضنا انه يسيب صحابه لكن حاول معاهم وشدهم ليك

وماتنساش:

"من ترك شئ لله عوضه الله خيرا منه"


* رابع حاجة: تدبر القران

يقول ابن القيم: اذا أردت أن تعلم ما عندك وعند غيرك من محبة الله فانظر محبة القرآن من قلبك
لأن من المعلوم من أحب محبوباً كان كلامه وحديثه أحب شيء إليه
وكيف يشبع المحب من كلام محبوبـــه ؟؟


* خامس واحلى حاجة:الانس بالله او الاكثار من الخلوة مع الله

اختار لنفسك وقت تبعد فيه عن الدوشة والناس واعد لوحدك واذكر ربنا وحس بوجود ربنا معاك وناجى ربنا وكلمه ادعيله فضفضله


قيل لبعض الصالحين لما أكثر الخلوة: ألا تستوحش؟ قال: وهل يستوحش مع الله
أحد؟


* سادس حاجة:ترك المعاصى

على قد ماتقدر ابعد عن المعاصى علشان تلاقى اللذة

قال ابن الجوزي : "قال بعض أحبار بني إسرائيل : يا رب كم أعصيك ولا تعاقبني ؟ فقيل له : كم أعاقبك وأنت لا تدري، أليس قد حرمتك حلاوة مناجاتي؟

أعظم عقوبات المعاصي حرمان لذة الطاعات


واخر حاجة:الدعاء

الدعاء هو العبادة
فى ناس كتير مفكرة انه لما اعوز حاجة ادعى عايز انجح عايز اشتغل كده وده صح طبعا

لكن الدعاء ده من الذ العبادات
فى انكسار لله واحتياج لله
واعتراف اننا عبيد اننا مانقدرش نعمل حاجة خالص


* واخر حاجة هقولها

احد الصالحين قال:
مساكين أهل الدنيا، خرجوا منها وما ذاقوا أحلى ما فيها
قيل: وما أحلى ما فيها؟
قال: محبة الله ومعرفته وذكره والشوق اليه

اوعى تكون مسكين

منقوووول للامانه