[AL.AMAL]

صباحكم جميعا رضاء من الرحمن
وعيدكم مبارك واعاده الله علينا بالرحمه والصحه



اختكم طالبة انتساب مستجده في قسم اللغات
الحمد الله انتهيت من السنه التحضيريه وانتقلت عندكم بكل فخر
ان شاء الله هذا الترم احسن من السنه اللي فاتت
ومحتاجه مساعدتكم ..الله يعينكم علي
انا متزوجه وعندي بنتين الله يحفظهم وابوهم ..والوضع ما يبيله شرح


1- هل يعتبر هذا الترم المستوى الاول او الثالث؟


2-ابغى موعد الدوره التأهليه هذا الترم للمستوى حقي لاني احتاج احضرها
(ومحتاسه مع صغاري ومع من يجلس معهم فمن بدري يا ياخذ زوجي اذن من عمله او اشوف لهم حضانه مسائيه وبنتي الكبيره اولى ابتدائي هالترم ومابي اشرح لكم اكثر عن الربكه اللي باكون فيها )
احمدو ربي يا بنات ياللي ما عندكم مسؤليه وشدو حيلكم وبلا كسل


3-هل مواد المستوى حقي معممه ع الجميع يعني كلنا نفس المواد ؟




4-باقي ما نزللي جدولي .,
هل اتفلسف واستعجل على شراء الكتب ؟
وابي اسماء الكتب ووين افضل مكان اشتريها منه ؟

مع العلم اني ان شاء الله راح التزم في الخطه وماراح احذف ولا اضيف



الله يجزاه عني وعن زوجي وبناتي كل من يرد او يرفع موضوعي
لانه ممكن انه مو مهم للبعض بس يعلم الله كم انا في حاجة مساعدتكم
الله يرضى عليكم