[عصفورة الحب]

هآآآآآي بنوتات انا بقولكم تجربتي مع التحويل
وماابغى منكم غير الدعاء انو ربي يوفقني في تخصصي واتخرج بممتاز
المهم انا حولت بعد المستوى الثاني وخلصت 28 ساعة كان معدلي 3.95 وقدمت عن طريق الاودوس وكنت بموووت من الفرح ولما بدا الدوام رحت لهم وقلت اني مقدمة عالتحويل من الاودوس وكان عندهم كشف بالاسماء اللي راح يتحولو المهم انا اسمي طلع مو موجود معاهم واتحطمت وقالت لي اكتبي رقمك واسمك ونحن نتصل عليك ويالله زي كذا اسبوع اداوم عندهم ودخلت عند مديرة القبول اكثر من مرااا بس الله يهديها مدري ايش فيها مو راضيه تحولني تقول لسى ماوصلنا لمعدلك مع انو في بنات اتحولو ومعدلهم اقل وكان في بنات معايا معدلاتهم 4 وكمان ماتحولو بس بعدين في وحده اسمها تهاني طفشناها من كثر مانروح عندها ونسالها كتبت اسمائنا ودخلتها عند المديرة واخر يوم في الاسبوع الاول اتحولت والحمدلله انا والبنات ونزل المعدل في التحويل لحدت 3.60حتى بعض البنات يقولو لهم داومو عالترم الثاني عشان مافي مكان
بس نصيحه اللي ماتروح وتهمل والله مايدوك وجه لازم تروحي وتتعبي وتسالي
وياااااااااااارب تتحولو كلكم وتفرحو