بسم الله الرحمن الرحيم ..
السلام عليكم ورحمة الله وبركاته ..
وعليكم السلام ورحمة الله وبركاته
كل عام وأنتم إلى الله أقرب , مع انها جات متأخره شويه ..,
وشكرًا لكل مين ساعدنا نحن طالبات وطلاب السنه التحضيريه إلي ان شاء الله تعدي على خير <<< آآآآميين
وانتي بخير وصحه وسلامه
المهم ,بلاش طولة كلام ..أنا عندي كم سؤال ياريت تجاوبوني عليهم .,
دحين لما ننجح في السنه التحضيريه ان شاء الله ,نختار الكليه الي نبغاها وبعدها بسنه نختار التخصص الي نبغاه !! صح ؟؟!
على حسب التخصص اللي تدخلتيه يعني مثلا لو دخلت طب او طب اسنان
راح تدخلي التخصص بعد ماتخلصي البكالوريس فاهمه علي
ولو دخلتي علوم راح تتخصصي في المستوى الثالث وزي كذا
ابغى اعرف , هل الي يبغى يتخصص طب طوارئ لازم يدرس سنين الطب وفي سنه الامتياز ساعتها يختار طب طوارئ ؟؟ والا كيف؟؟!
تخصص طب الطوارئ مو موجود هنا في الجامعه اذا تبغي طب طوارئ
لازم تخلصي الطب وبعدبن تختاري التخصص
بخصوص الفيزيا .. الي دخل المسار العلمي اتمنى انو يحكينا عن تجربتو مع الفيزيا .. لأنو بصراحه انا ماأحبها ابدًا وهيا بالعربي فما بالكم وهيا بالانقليزي!!
انتي زي حالتي كنت اموت في شي اسمه فيزياء من يوم كنت في الثانوي
وصراحه كانت احلى ماده عندي في السنه التحضيريه واسهل ماده
وجبت فيها الحمد لله الفل مارك
وكنت اسمع الطلاب والطالبات يشتكو منها
وانا كنت عكسهم تماما
وصدقيني دراستها بالانجلش اسهل من العربي بكثير
تقريبا هذي هيا الاسئله الي في راسي..
وشكرًا سلفًا لليرد عليا
لا شكر على واجب اختنا العزيزه