[فندام]

التقديم ياأخت كادي حيكون العام القادم بمشيئه الله وارسال الأوراق حيكون بطريقة الكترونيه بنسبة 100% عن طريق موقع الجامعة ونسبة التقييم حتكون من 100 درجة موزعة كالتالي
40 درجة على نتيجة اختبار القدرات :وهذا الاختبار شرط اساسي للقبول ويقام ثلاث مرات كل عام وينظمة المركز الوطني للقياس والتقويم وممكن تختبري اكثر من مرة والدرجه الأعلى هي الي حتعتمد عند التقديم للماجستير
30 درجة على نسبة التخرج بشهادة البكالريوس
10 درجات على نتيجة اختبار كفايات اللغه الانجليزية: وهذا الاختبار اصبح الزامي وينظمه كذلك المركز الوطني للقياس والتقويم وممكن تختبري اكثر من مرة زي القدرات بالضبط ولو بديل وهو اختبار التوفل والمطلو انك تجيبي 450 بيه لكن انصحك باختبار كفايات لأنو اسهل من التوفل وماحتقبل اي دورات باللغة الانجليزية من اي معهد كان
20 درجة على الدورات والخبرات : والقسم العلمي هو الي يحدد الدرجة الي يستحقها المتقدم من ال20 درجة ولابد من حصولك على دوورات تدريبية وكمان لازم يكون عندك خبرة عملية لاتقل عن ثلاث سنوات في مجال التخصص
وبإلقاء نظره سريعة على عناصر تقييم المتقدم للماجستير نجد انها تنقسم الى عنصرين رئيسيين :
أولا: عناصر ثابته لايمكن تغييرها وهي :
- نسبة التحرج بالبكالريوس
- سنوات الخبرة العملية في مججال التخصص
ثانيا عناصر تقييم يمكن تغييرها والتحكم فيها وهي:
-درجة اختبار القدرات العامة : وبالنسبة لهذا الاختبار انصحك بكتاب اختبار القدرات العامة للجامعيين للأستاذ / محمد عبدالعزيز طيب الكتاب مفيد جدا ويتناول كل أجزاء اختبار القدرات بالتفصيل وفيه كم هائل من الأمثلة والمسائل المحلولة وبدو دراسة جادة ومتأنية وأعتقد انو مدة أسبوعين حتكون كافية لدراستو وفهمو بشكل جيد
- درجة اختبار كفايات اللغة الإنجليزية : وحقيقه الاختبار مو سهل وبدو استعداد جيد وعشان كدا احرصي على تحسين مستواكي باللغة الإنجليزية عن طريق دورات تدريبية مكثفه خصوصا انو مازال امامك متسع كبير من الوقت
-الدورات التدريبية : وهنا احرصي على الاتحاق بدوات تدريبية في نفس مجال تخصصك هذا الأفضل طبعا عشان تحصلي على الجزء الاكبر من ال 20 درجه الخاصة بالدورات والخبرات
ولازم تبدئي من الان وتحطي لنفسك خطة تمشي عليها ولاتسوي زي اكثر المتقدمين الي يأجلو ويسوفو ومايدري الواحد فيهم الا ووققت التقديم على الأبواب وهو بعد ماسوى شي