رد: احاول اخفى احساسي لكن بالعشق مفضوح - قصة حقيقة
وقف ولا ترمي وداعك بالأعيان
محتاج أنا لذرة أمل في سنيني
هذي تفاصيل العمر وسط الأجفان
واصور واماكن في عيوني تجيني
والله من تطري وسط عمر الأحزان
كل الفرح مــن لــــون وجهك يجيني
مثل المطر يركض على الأرض ولهان
هـــذا إنت دايـــم بالـــوله محتويني
يكبر غيابك لو كبر وسط الأشجان
يكبر معه في شوق عمري حنيني
الماي في قلبي من الشوق كثران
صبيت دمعي وشفت قلبك بديني
قلت أحضنه في وسط اديني على شان
مايلمس أطرافه حزن من ونيني
حتى ولو أخترت فرقاك عنوان
يكفي بديني قلب عمرك يبيني
ماهي حكاية إنت رابح وخسران
أو هي حكاية ياأبيك وتبيني
المسألة روحين في داخل انسان
شفتك رحلت وشفت روحك في عيني
غمضت أرد الروح من خلف الأجفان
عشان أصدق كذبة إنك تجيني
سالم سيار
|