السلام عليكم ورحمة الله وبركاته
وعليكم السلام ورحمة الله وبركاته
كيف الحال إن شاء الله بخير
الحمد لله
انا عندي اسأله وودي احد يجاوبني بس ابي الي يجاوب يكون متأكد من الاجابه 100%
ابشر بالي اقدر عليه
السوئال الاول انا وأخوي من الرياض ونبي نسكن بسكن الجامعه انا انتقالي يعني من دون مكافئه وهو مسار اداري منتظم مكافئته 840 ابي اعرف نقدر ناخذ سكن مزدوج وانا ادفع 1500 كاشش وهو يقص من المكافئه حقته يقدر يعني يدفع الـ 1500 اقصاد من المكافئه؟
اولاً ارحب بكم وانتوا بين اخوانكم يا مرحبا باهل الرياض ..انتقالي على حسب ما قرأت بالمنتدى تقدر .,واتوقع فيه تقسيط يعني يأخذوا من المكافأة 250 ريال ..
السؤال الثاني نقدر نسكن من اول ما ننقبل إن شاء الله يعني في 9/10 ولا لازم تبدا الدراسه يعني ممنوع السكن الا في يوم 16/10 اذا بدأت الدراسه ؟
شوف اذا ظهر اسمك ان شاء الله تروح لهم وتخلص باقي الإجراءات وتوقع على العقد وخلاص تستلم مفاتيح غرفتك..
السؤال الثالث اتمنى هذا السؤال يكون ذو تجربه وذو معلومه اكيده الي يجاوب فيه في نادي السكن تدريب حديد وهل فيه مدربين ولا ندرب على عماها يعني فيه مدربين واشراف صح يعني المدرب يقلك رح تمرن في ذي والان في ذي وكذا ولا ما فيه شي من هل الكلام ؟
فيه حديد بس يقولوا مش حالك ...
السؤال الرابع هل يطلبون كل شي من اول اسبوع يعني الكتب والتصوير وواجبات واطبع وما ادري كيف فيه كرف من اول اسبوع ولا لا ؟
شوف الإسبوع الأول مش حتاخذوا محاضرات يا دوب محاضرة محاضرتين بالكثير..بالنسبة للتصوير هذا شئ راجعلك متى ما تبغي تصور صور منت مجبرو ولا ملزم ممكن الإنقليش يستقعدلك ويطلب منك تشتري كتب على طول..
السؤال الخامس الغرف المزدوجه يقولون انها من العماير القديمه فابي اعرف هل فيها انتر نت هل العماير القديمه ولا لا المحلات والبوفيات والطعم والمسجد والنادي واسوبر الخ..... قريبه منها ولا لا ؟
شوف على حسب ما قريت بالمنتدى فيه بعض المباني فيها نت والباقي ما فيها نت
وحبيت اعرف وشي الوجبات الي في مطعم السكن ادري السؤال بايخ شوي ههههه
تختلف من يوم ليوم بس قيمة الوجبة 5 ريال بس اصحابي ما يمدحونه ويقولوا صار لبعض طلاب السكن حالات تسمم بسبب الوجبات الي يقدمها..