يآعالمـ اتمنى منكم انكم تفيدوني انآلسآ توني علا التخرج معدلي الأن 3.75
وقدامي ست أترام عشآن اتخرج
عندي طموح معيدهـ لكن للأسف اهملت في البدايه وزي منتم ملاحضين معدلي كيف طآيح ...! وأخذت صيفي بسبب اني رسبت وكنت اعيد المآده ياترى هالشي حيأثر علياا ؟؟ وما اقدر اصير معيده ؟؟
الحمدلله إنك لسى في أول الطريق ، والفرصة إن شاء الله قدامك في رفع المعدل
يعني إنتِ باقي لك 3 سنوات إن شاء الله ..طيب لوقلنا إنك جبتي في كل سنة من السنوات الجاية معدل تراكمي 4,8 من 5 وجمعنها مع معدل أول سنة 3,75 من 5 وقسمنا النتيجة على 4 ( 4 سنوات الدراسة إذا مو أكثر ) راح يكون معدلك النهائي التراكمي في التخرج 4،53 = ممتاز إن شاء الله :)
يعني تقدري تجبي ممتاز إذا شديتي حيلك بجد ..ولا تقولي ما أقدر كثير وصعب ..مافي شيء يجي من غير تعب ..ولا تفكري الناس اللي بتتفوق وتنجح في حياتها بعد توفيق الله مابتتعب حتى توصل للي تبغاه لازم اجتهاد وتعب وعزيمة صادقة ومثابرة ..بالإضافة كوني مع الله دائماً بعمل كل ما يرضيه والبعد عن كل مايغضبه ، وادعيه كثير يكون معاكي دايما ويوفقك لكل اللي تتمنيه ويرضى عليكِ ويرضيكِ .
ماااأدري كيف ينحسب المعدل النهائي للتخرج في الجامعة لأنه أنا مادرست فيها البكالوريوس..بس هذا توقعي ..إذا في خطا ..أتمنى يفيدوكِ خريجات الجامعة أكثر مني .
إذا عندك مادة سبق رسبتي فيها ،مو مشكلة ..ماتمنعك من القبول في الإعادة لكن ماتاخذي مرتبة الشرف عند التخرج ..المهم في الترشيح للإعادة المعدل يكون عالي مع إنه ممكن يقبلوا بجيد جدا لكن الأفضل أكيد للممتاز إذا اجتزتي اختبار القسم إذا يوجد إختبار ، واجتزتي المقابلة الشخصية ، وكانت سيرتك الذاتية من شهادات ودورات ونشاطات مُشرفة .
ما ابغا شي غير الأمل ...!
الله يوفقك وخلي أملك دايما بالله وحده اللي مايخيب من رجاه واحسن الظن به واخذ بالأسباب وتوكل عليه .
طيبـ الأداره والاقتصاد طلبات الأعاده فيهآ كيف ؟؟ يأخذو كثير ولا نآدرا ما ياخذو واش افضل كليه الأداب ولا الاداره في حال لو دخلتها يتسهل عليا موضوع اني اقدم اعاده ويآخذوني ؟ طيب الاداب اش التخصص الي مطلوب فيه معيدات بكثره ؟؟؟ ونفس الشي الأداره ؟؟
والله أنا ماعندي فكرة عن طلبات الإعادة في كلية الإقتصاد والإدارة ، أو كلية الآداب ..لكن لو أنا مكانك مافكر بهذه الطريقة ..لأنه هذا حسب الإحتياج كل سنة وعلمه عند الله ماهو شيء ثابت المهم في الموضوع ادخلي قسم في كلية له مستقبل وظيفي واحتياج ويتفق مع ميولك وإهتماماتك ، مو تدخلي قسم مالك ولو ذرة ميول فيه أبدا ً أو ممكن ماتحبيه كمان وتدخليه بس عشان مستقبل وفي الأخير ماتمشي فيه ولا تستفيدي إلا شهادة وبس ، ادخلي قسم في كلية متفق مع ميولك عشان تقدري تعطي فيه وتفيدي وتستفيدي منه وتتفوقي فيه .
اش طلباتهم غير انه سعوديه وتحت 30 ومعدلي فوق الجيد جدآ وشهاده انجلش ...؟؟
مثل ماجوبتك أختي hhm الله يوفقها .
وحاولي تستفيدي من الأنشطة والدورات اللي تطرح في الجامعة للطالبات في جميع المجالات وخاصة اللي في مجال تخصصك .
بلييييييييييييييز ابغآ وضوح في الرد وتأكيد لأنه ممكن انتم بردودكم ترفعوآ المعنوياتـ او ألغي الفكره ؟؟
إن شاء الله يكون ردي واضح ..واستفدتي منه ورفعت معنوياتك .
اللي تجاوب عليااااااااااااااا الله يرزقهآ الي تتمناه ويوفقهاا ويفتح عليهااااااااا وييسرلها امورها ويكتبلها السعآآآآده في الدارين ^^