[بحر الحرية]

المشاركة الأصلية كتبت بواسطة ندو222 كيف عاملوكم معاملة العلمي ؟؟!! إحنا علللللللللمي .. وتخصص تربيه خاصة الأولويه لبنات العلمي كذا الشؤون قالت لي والكل عارف هذا الشيء .. من قال انه تخصص نظري فيه مواد علميه إحصاء وفيزياء ورياضيات .. وتخصص تصميم داخلي للعلمي فقط كلية الأقتصاد المنزلي فيها اقسام علميه وأدبيه

أهلين أختي..
افهميني الله يسعدك..
انتي صح علمي، لكن لمن اتخصصتي تخصصك صار تخصص (نظري)

ف الفرق جاا بعد التحضيري، لأنك ف التحضيري أخدتي مواد علمية كلها، رياضيات فيزياء كيمياء أحياء، لكن لمن تتخصصي، سار التخصص (نظري)

ولو كان عشان أسماء المواد، تراا حتى عندناا ف الادراي فيه رياضيات، لكن مخصصة للإداري..

ولو كان عشان التعب، فالمفروض يكون فيه فرق ف كل تخصصات العلمي، لأنوو مو معقول طالب من طلاب الطب ياخد مكافأة زي طالب من طلاب الصيدلة زي طالب من طلاب الحاسبات زي طالب من طلاب العلوم ...
ونفس الكلام رااح ينطبق ف الاداري..

إنشاا الله فهمتيني؟؟
وقلتلك إنشاا الله رااح نستفسر أكتر ونشوف إيش الرد الأكيد..

في ملاحظة تانية خيتوو..
ف الجامعة مع التنظيمات الجديدة، مافي شي اسمو أولوية لأحد، في شي اسموو الجامعة تحط شروط معينة، واللي يحققها راح ياخد، سواء من العلمي أو الإداري..

موفقة ياارب؛؛

---

أهلا فيكي أختي دنـــا..
ياريت ترجعي تكتبي اللي عندك ف نقاط زي ما عملتي ف المشاركة الأخيرة، عشان يكون النقاش أوضح، واللي أبغى أفهموو منك:
هل التصاميم والاقتصاد المنزلي يتعاملوا معاملة العلمي من قبل الخطة الجديدة اللي نزلت؟؟

يعني قبل سنتين اللي تخرجت وكانت شهادتها أدبي، هل كانت تقدر تدخل اقتصاد منزلي وتصاميم ولا لا؟؟؟ ولا لازم تكون علمي؟؟؟

بس حاب أوضح لكم شي أخير:
أي طلب زيادة مالية، تراا الجامعة مو الجهة المسؤولة عنها، وما تقدر الجامعة تخالف النظام الموجود.

بانتظارك؛؛