[مطلع الفجر]

أهلاً أختي مطالبة

الله المستعان .. مادري هذي الناس كيف تفكر!!

أيش جاب موضوع الزواج ، لموضوع بطالة حملة الشهادات العليا .. هذا موضوع ..وهذا موضوع !!!

المرة الجاية إذا راسلتي أحد أجل جيبي سيرة الزواج ..وقولي الحمدلله ترى إحنا مستورين ومتزوجين :))

بالعكس كل اللي اعرفهم في الجامعة من طالبات الدراسات العليا متزوجات ..اثنين أو ثلاثة بالكثير أعرفهم مو متزوجات ..والزواج قسمة ونصيب للرجل أو للمرأة .

بطالة حملة الشهادات العليا والله موضوع خطير ..

القبول في الدراسات العليا كان بعد إختبارات وتصفية وبعدد قليل ولو ماهم أصحاب كفاءة ماكنت الجامعة قبلتهم لمواصلة دراستهم العليا دون غيرهم وإلا كانوا قبلوا كل اللي يقدم ، وبالعكس نجحوا كمان في الأخير بعد توفيق الله وتخرجوا بتفوق فاق تفوقهم حتى بمرحلة البكالوريوس ومنهم اللي جابوا المعدل كامل 5من 5 ، ولبعضهم إنجازات في أقسامهم تشهد لهم بالكفاءة والتميز والإبداع الغير عادي ..يعني إذا الدولة ماعطتهم عناية والأولوية في الإستفادة من طاقاتهم وتميزهم ونجاحهم في دولتهم ..مين أجل ؟؟ أو ليه يفتحوا المجال لمواصلة الدراسات العليا بعدد محدود للقبول ..يفتحوا المجال للكل أجل !

المشكلة حرام علمهم وتفوقهم و إبداعاتهم كذا تندفن..هذي هي المشكلة

ومع مرور السنين والوقت الإنسان يبدأ ينسى اللي درسه وتعلمه..إذا مالقي المجال اللي يطبق فيه علمه ..وزكاة العلم إخراجه للناس .

ومومعقول يروح يعمل حامل الشهادة العليا في عمل لا يمس لتخصصه بصله أو أقل من مستوى شهادته ، مو تكبر لكن شهادة الماجستير والدكتوراه ، والقبول في الدراسات العليا هذي ماجات إلا بعد تعب وسهر وتضحيات ومرمطة ..كل طلبة الدراسات العليا والباحثين يعرفوا هذا الشيء .

أنا أشوف إنه ترسلوا لكتاب أوكاتبات ثقات عندهم غيرة وأمانة واصحاب كلمة حق ..في جريدة أو قناة الإخبارية مثل ما قلت لكم في برنامج " نوافذ " للمقدم عبدالرحمن الحسين " ، أو برنامج " دوائر" للمقدم غنام المريخي .

أو حتى أرسلوا برقية لوزير التعليم العالي

المهم ابذلوا الأسباب وتوكلوا على الله .. واخلصوا النية لله ..ومافي حق يضيع عند رب العالمين

الله يوفقكم جميعاً