[ربي معاية =)]

المشاركة الأصلية كتبت بواسطة soma al7elwa عزيزي .. اللي بيحاول المهندس عبدو يقوله .. إنه شي طبيعي لما لواحد يروح بلد .. ويشوف الناس كيف تتعامل مع حيوان وكيف الاهتماام دا كله بيه.. ينبهر زي كدا وزيادة كمان .. خصوصا لما تكون انت كانسان في مجتمعك مايتعاملوا الناس مع بعض بدا الشكل .. ومو بس الصغار المحبين له .. حتى احنا الكبار كلنا شهقنا لما شفنا ديك الحلقة.. الاهانة مو للفقراء .. الاهانة لنا احنا .. ماقدرنا نتعامل مع بعض زي مايقدروا يتعاملوا هما مع كلابهم .. يعني بالفعل لما تبغى تعرف قديش المجتمع دا راقي .. شوف كيف يعامل الحيوانات والعمالة .. يعني ايش في أكتر من انك تلاقي مجتمع كامل أو بلد يقدر عامل النظافة بالشكل دا ويدلل حيواناته بدي الطريقة ؟ وقبل اكتر من 5 او 6 سنوات -ايام ماكنت فالمتوسط- في برنامج مراسلون عالجزيرة جايبين صالون زي دا في بريطانيا .. وفي كل انواع الدلال للحيوانات وبعدين جايبين الفقراء كيف عايشين هنا على كراتين فالشارع .. الى يومك دا فاكرة منظرهم .. تاني نقطة ماقدرت افهمها .. ليش يتأسف عليهم؟؟ هما في ثقافتهم وفي دينهم ومجتمعهم بيشوفوا الشي دا عادي .. ونوع من انواع التدليل والرفق بحيوان اليف عنده فالبيت .. فهل من المعقول اني اطالبهم أو استغرب وانكر عليهم بشيء في ديني انا؟ السفه الحقيقي لما يكون عندنا الناس تشتري ناقة ولاجمل ولاغنمة ولا حمام ودا فصيلة نادرة ودا مش عارف ايش و بملايين الملايين .. وغير المسابقات.. وتلاقي اللي يغسل قذارة الجمل دا بالقوة قادر يأكل نفسه وعياله .. يعني إن كان يعتبر من إنه يروح "الياباني" المقتدر ماديا يدلل حيوانه في صالون من السفه والحماقة .. فالسفهاء عندنا أكتر بكتيـــــــــــر .. وهما مننا وفيننا وعلى ديننا وعايشين فمجتمعنا .. الحكمة ضالة المؤمن .. فحيث وجدها فهو أحق بها .. انت ممكن تشوف الشي دا غلط .. وممكن الرجال دا كلو مايدخلك من زور .. وانا ممكن اشوف اسلوب رجل تاني غلط ومايدخلي من زور.. والحياة خيارات .. كلها تكة عالريموت كنترول قدك قلبت القناة .. هو دا الحل الأمثل بالنسبة ليا لما يكون في شي مايعجبني .. بالتوفيق ..

كلامـك زيـنه العقل ( سوماا ) وانا معاكي خاصه مع تكـة الريموت ^^

وبعدين التلفزيون فيه اللي يناسب الشخص واللي مايناسبه وانت
[ عقلك في راسك تعرف خلاصك ]

واللي مايحب كلام كبار السن من الشيوخ ماهو مجبور يتابعهم ونفس الكلام مع الشقيري اللي مايرتاح للي يقدموا ويحس نفسه ما يستفيد او يخالجه الشك والظن ماهو بمجبور يتابعه =)

أحب أذكر أصحاب الردود الجافيـه قول الله تعالى :

( فبما رحمة من الله لنت لهم ولو كنت فظا غليظ القلب لانفضوا من حولك فاعف عنهم واستغفر لهم وشاورهم في الأمر فإذا عزمت فتوكل على الله إن الله يحب المتوكلين ) سورة آل عمران – 159

وهذه وصيه الله لرسوله الكريم فمن باب أولى نطبق كلام الله عز وجل ,, والدين يسر وسهوله لا تصعبوا وتأزموا الوضـع وعلى قولتهم ( كل واحد ينام على الجنب اللي يريحه ^^ )

وصدق من قال : [ اتفق العرب على أن لا يتفقــوا ]

سبحان الله وبحمده .. سبحان الله العظيم