أول شي انا اتكلمت عن بنات عيلتنا ... ما قلت الذكور لكن مو مشكله .. بجاوبك على الأسئلة الـ6 ... تقولي سوال بسيط وتردفي 6 أسئله .. يدل على حماسك الله يوفقك ....
بالنسبة لذكور عائلتنا يدخل القسم اللي يبغاه .... محد يقول له لآ ...
أتمنى تركزي بكلامي ...
واما عن يروح يروح - يجي يجي
> شي أكيد ما يبغالها كلام ....
ما عندنا يمه ارحميني ... يا يسمع الكلام أو نشنقه بالصاله ....
أو يمكن نشنقه في بيت الدرج .... كل كليه لها عقوبه محدده ...ههههههههههههههههههههه
أسمحيلي أغلب أسئلتك سطحيه ومالها معنى ....
يعني مثلا ولدي يبغا يصير طيار أمنعه ؟ > إيش السؤال ذ1 ايش يبغا ؟؟؟!!!
تحياتي للأحرار
|
هههههههههههههههههههه ..
السؤال واحد هل تقبل انه يدخل المجالات التالية او لأ ؟ واللي تحتو مجرد فقرات ..
طب ليه تتمنع البنت من كلية طبية - وحضرتك بتقولها وبكل فخر- وما يتمنع الولد من كل المجالات دي اللي بيحصل فيها الاسوأ؟
هل الاختلاط محرم على البنت بس ولا عالولد كمان ؟
ترى البنت تخاف على سمعتها وشرفها من كلام الناس -وخصوصا القبيلية اللي تتكلم عنها - .. بس الولد هنا "مايعيبه الا جيبه" ..
طيب خليني بس اخدلك مجال الطيران دا اللي انت مستغرب جدا اني اسألك هو ..
الطيار محاط يوميا بعشرات ومئات الحسناوات من كل الجنسيات .. ترى بس الخطوط السعودية الي ملبستهم لبس محتشم نوعا ما ..
روح شوف الخطوط الامارتية على سبيل المثال كيف المضيفات هناك .. والله أجمل من عارضات الأزياء ..
طبعا غير المطارات اللي يزورها وغير الفنادق والموظفات اللي هناك كل يوم والتاني رايحلهم ..
وكل يوم والتاني هو فبلد بلا حسيب ورقيب .. وازا حاطط فبالو انو يغلط .. راح يغلط على كيف كيف كيف كيفه كمان مو بس على كيفه .. ولا من شاف ولا من دري ..
يعني تحارب المجال الطبي "والفساد والاختلاط" اللي هناك فنظرك وتسأل باستغراب "اذا ولدي يبغى يصير طيار أمنعه؟؟"
هي سياسة الكيل بمكيالين ياعزيزي .. المسألة مسألة "امرأة تعمل فمجال الاختلاط" مو مسألة اختلاط ..
تحياتي لكل الأحرار ..
ملاحظة :
لا يفهم من كلامي بأني اطعن الطيارين او المضيفات -من الجنسيات أوالديانات الأخرى - أو العاملات في الفنادق المطارات في اخلاقهم أو شرفهم .. لكني اتحدث بنظرة خارجية تماما كالنظرة التي ينظر بها الى المجال الطبي ..
"سبحانك اللهم وبحمدك اشهد ان لا اله الا انت استغفرك واتوب اليك "