[soma al7elwa]

المشاركة الأصلية كتبت بواسطة high class man زي ما قلت أنت > بين الحياة والموت ...يعني حالات نادره وصعبه..ممكن يصير استثناء..مو واحد مزكم .. وماخذ معاه عيال الحاره عالمستشفى ؟! .... وبعدين يأ أحبه المقصود بالاختلاط هنا مو واحد جا بيشوف زوجته بسس ..( سؤال كيميائي : عرف المخلوط ؟) انا لي أصحاب .. اللي منهم دكتور واللي ممرض ... والله العظيم يحلفون لي .. أن الوضع مره خايس.. والواحد فيهم ما يرضاها لأخته تشتغل باماكن زي كذا بعد اللي شافوهـ .

بس يرضاها على نفسه؟؟

منجد عجيييب امركم .. كل واحد يأول كلام على كيفه .. ولما تسأل يقولك انا اعرف واحد دكتور قال كدا وكدا وكدا ..

ولا تلاقي واحد يسب دين اهل القسم الطبي كلو وفالأخير يجي يقولك انا اخويا دكتور وقالي ..

انا ولد جيراني دكتور وقال .. ما دام الوضع سيء لدي الدرجة .. كيف رضي هو على نفسه يدخل المجال دا ويستمر فيه؟

ترى من سنة تانية وتالت وهما نازلين المستشفى .. يعني لو ماعجبهم الوضع ممكن ينسحبوا من البداية ..

بالفعل منطق .. !!

دحين بس سؤال بسيط ..

على افتراض انو المستشفيات مقسمة مستشفيات نسائية ومستشفيات رجالية ..

وانا كمريضة .. اعرف في دكتور فلان دكتور شاطر .. هل من المعقول اني اروحله ويقول لا انا ما اعالج غير رجال ؟؟؟

هل من المعقول انو يكون في دكتورة شاطرة .. وتجي تقول لمريض ما لا معلييييش.. انا ما اعالج غير نساء ؟؟؟؟

المشكلة انو كل الي هنا بيتكلموا وكل الي سمعتهم فحياتي يطرحوا الفكرة دي ماحد فيهم له علاقة بالمجال الطبي لا من قريب ولا من بعيد ..

ويتكلموا كأنو فصل المستشفيات زي لما الواحد يعمل لبيتو مجلس حريم ومجلس رجال ...

مستشفى صديقة من سنة ماحفروا البحر موجودة فجدة وهي مستشفى نسائية كاملة .. يعني ماهو شي جديد ..

اقولك من وجهة نظر شخصية ..

الطبيب الي يحدد بعلاجه جنس معين أو شكل او لون او جنسية او دين .. مايستاهل كلمة دكتور .. ما يستاهل اصلا شرف انو يعمل فمجال زي دا

الصحابية الشفاء بنت عبدالله كانت اول طبيبة فالاسلام .. وكان الصحابة يجوا لبيتها يتطببوا عندها وفوقت السلم .. وكان النبي عليه الصلاة والسلام بنفسه يجي يقيل عندها .. وكان عندها بردته الين ماتوفى عليه الصلاة والسلام ..

يعني ما كان الموضوع بس وقت حرب .. حتى فالسلم كان بيصير الشي دا ..