[المسلم العربي]

المشاركة الأصلية كتبت بواسطة سكووت حليمة لطيفة والله يعينها على المحشات اللي تيجيها عموما انا مااتابع برنامجها لكن تعليقي على شوجي صراحة صراحة شوجي كيووت وعسل سو سمبل ..

حليمة رخيصة ممتهنة منحطة لأن غالبية الذكور المشاهدين لها لا يحترمونها ولا يهمهم سوى النظر إلى خلقتها وحركاتها بشهوة (أجلكم الله) وهي تعلم ذلك ولأجل الفلوس والشهرة كله يهون. فالأولى أن تدعين لها بالهداية والتوبة قبل أن يدركها الموت فتحمل إثمها وإثم من أضلت بخروجها هكذا.

والمصيبة أنها تفعل كل هذا بإعانة mbc ومشاهديها المخلصين الوسطيين المعتدلين في شهر القرآن وموسم العبادة والتقرب إلى الله لتصرفهم عن ذكر الله ولتسعر الشهوات في الأنفس المريضة لتبقى غريزية لا عقل لها ولا فكر سوى في الشهوات والترف.

ويقولون ليش الأزواج يخونوا ويطفشوا من زوجاتهم بعد مدة وليش الزواجات تفشل والزوجات اللي تبغى زوجها زي فلان منحط على mbc والا الواد اللي جابته rotana واللي تبغى البعل يكلمها بطريقة فلان اللي في المسلسل والزوج يبغى زوجته زي فلانة وزفتانة اللطيفات, وأيش فيها ليش انتوا كذا معقدين ومتشددين المسلسلات والفيديو كلاب ما فيها شئ مجرد ترفيه وتسلية..

مع الأسف احنا تفوقنا على أمريكا في المسخرة اللي في رمضان هذي..

ما ناخذ منهم تعليم وتقنية وعلم.. لا أبداً

نأخذ قنوات الأغاني لكن عندنا أوسخ, وبرامج المسابقات عندنا أوسخ, وبرامج التوك شو أوسخ طبعاً

الكيبل tv "العام" في أمريكا وكندا اللي ما يؤمنوا برمضان أصلاً ما فيه قذرات زي هذي الساقطة يتميلحوا ويتمايلوا ويتدلعوا على المتصلين أبو 10 ريال الدقيقة زي الحثالة هذي.. اللي يبغى كذا يشترك ويفكوا له التشفير.. وما فيه برنامج ينعرض إلا يكتبوا قبله السن المسموح.. هذا وهما كفره..أيش عذرنا أمام الله؟

لا والبعض يحسب نفسه ما شاء الله يصلي ويصوم ويمكن حج واعتمر خلاص صار شيخ الإسلام وفقيه مجتهد يفتي في نوازل العصر ويحلل ويحرم ويحكم على المخالفين أنهم متشددين ومدري أيش.. وإذا قلت له المسلسلات حرام يمكن يقول: " ما فيه آية في القرآن الله يقول أنها حرام"

مسلسلات فيها إستهزاء بالدين والعلماء ومخالفات عقدية ونساء متبرجات في كامل زينتهن وعلاقات بين الجنسين وموسيقى وووو

لعل المسلسلات الوحيدة اللي يمكن ما ينبطق عليها الكلام ذا مسلسلات المجد! يمكن!!

الله يصلح الحال بس!

مع الأسف صاروا البشر مبرمجين ومجيشين في إتجاه معين وفي سبات ما يدروا فين هما رايحين.. بس مشي حالك

subjects

ولكن

I choose the red pill



الله يبصرنا بالحق ويثبتنا عليه