ياهلااااااااااااا بك اخوووي ...
والف مبروووك قبولك بالجااامعه ...
اولا / بعد دفعك للرسوم واشعارك بإرسال البطاقه الجامعيه لك فهذا الشي يعني ان كل اجراءاتك انتهت ..
وكل اللي عليك انك تحتري 16/10 بداية الترم الدراسي وتدخل على الصفحه هذي
http://odus4.kau.edu.sa/students/index.asp
وتدخل فيها رقمك الجامعي اللي مكتوب بالبطاقه الجامعيه وتدخل الرقم السري حقك ...
ثانيا ً / بعد مايفتح لك النظام راح تلاقي معلومات عنك وتشوف على يمين الشاشه روابط كثيره معنونه تقدر تختار منها اللي تبيه .. من ضمنها راح تلاقي الجدول الدراسي ... بعد ماتضغط عليه راح يطلعلك جدولك بالمواد اللي يتوجب عليك دراستها بالترم الاول لك ...
تطبع الجدول وتروح فيه للمكتبه الخاصه عندكم بالرياض لجامعة الملك عبدالعزيز ... وتشري الكتب
ثالثا / تدخل للمنتدى عشان تاخذ ملخصات عن المواد حقتك واسئلة اختبارات وترجمه للانقلش ... الخ
وتبدا المذاكره ... من بدري عشان لاتنزحم بالاخير ويادوب العمل يعطونك اجازه حق اختباراتك .. يعني مايمديك تذاكر
لذلك حدد لنفسك زمن معين تذاكر فيه وتجي كل مادعت لك الحاجه تسأل هناااا عن اللي تبيه ..
والكل راح يفيدك ...
ولاتخاااااف ولاتقلق ... الموضوع سهل لكن يبيله اصرار وعزيمه ... ويبيله مخ فاااضي ههههههههه عشان تعبيه معلومات ^_^
رابعا / راح تطرح الجامعه دورة تأهيله او دورة اسمها (سنترا) ... راح يبين موعدها عندك بالاودس حقك اللي تكلمنا عنه اولا ...
واذا تبي تسجل فيها ... سجل واذا ماتبي فالكل هناااا يساعدك ويعاونك ...
لكن نصيحتي لك اذا انزلت لك دورة سنترا سجل فيها لانها عباره عن (محاضرات تاخذها وانت في بيتك على النت من داخل القاعه ومن استاذ الماده حقتك وراح يعلمك الاستاذ/الدكتور اللي تحتاجه وتقدر تسأله باللي تبيه)
اما اذا انزلت لك دورة تأهيليه فهنا يستوجب عليك السفر الى (جده) عشان تاخذ الدوره هذي اللي تستغرق 3 اسابيع ..
وهالشي اكييييييييد انت في غنى عنه دااام في اخوان وخوات لنااا في هالمنتدى قلوبهم علينا وقلوبنا عليهم ... يعني (الناس بالناس .. والكل بالله )
خامسا / اذا تبي اي مساعده لايردك الا لسانك كلنا هنااا نتعاون عشان نفيدك انت وكل زملائنا وزميلاتنا بالجامعه
اتمنى اكون افدتك ...
دمتم بود