جبت لكم كم خلطه ان شاء الله تعجبكم
لتنعيم الشعر ولمعانه
زبادي وزيت زيتون وفاشكول ومايونيز تحطيها بمقادير متساويه وتخليها في الشعر نصف ساعه
لتكثيف الشعر
زيت خروع وزيت زيتون
لتبييض الابط
زيت خروع تضعيه قبل الاستحمام بساعه وبعد الاستحمام يفضل استخدام الليمون كمزيل للعرق لانو الليمون يبيض الابط مو زي الكريمات الثانيه
لتبيض الركبه والاكواع
تشيلي الشعر اللي على الركبه وبعدين تحطي ليمون وتفركي بنفس الليمونه وتخليها عشره دقائق ينشف بعدين لمن ينشف تقومي تفركيه وغسلي المنطقه ونشفيها وقبل ما تنامي جيبي كريم اي كريم للجسم انا استخدمت دوف المهم تحطيه على الركبه وتجيبي سفره حق طعام وتلفيها على رجولك مو ربط فقط لف بسيط ونامي ولمن تقومي حتلاقي الركبه صارت فيها زي المويه افركيها وبعد الفرك غسليها انا استخدمتها والله اني من اول استعمال بانت النتيجه
لتنعيم الجسم
كاس شاي عسل ونصف كاس شاي سكر تخلطيها مع بعض وتحطيها على الجسم وتفركيها بقوه واغسليها بالماء وصابونه البابايا انا استعملها اكثر شي احطها في رجلي الله يكرمكم ويديني وتصير ناعمه وعلى فكره كل ماكان الدلك بقوه كل مازادت النعومه
للجسم
2 ملعقه شوفان و2 ملعقه ليمون وتوضع على الجسم لمدةربع ساعه وتفرك وتغسل بصابونه البابايا ويمكن استخدامه للرقبه والركبه والاكواع
ان شاء الله تستفيدوا ولاتنسوني من دعواتكم