[نابغة]

المشاركة الأصلية كتبت بواسطة حـــــلا السلام عليكم ورحمة الله وبركاته.. وعليكم السلام ورحمة الله وبركاته اخبار ياقومر ؟؟ ..مبارك عليك الشهر وعلى جميع الدكاتره.. الحمد لله .. ومبارك عليك وأسأل الله العلي العظيم أن يجعلنا فيه من العتقاء من النارأجمعين..آآمين ممكن ياعسل تسمعين القصه ..لانه ودي احلها الحين قبل ماتجي الدراسه .. شمري ايديك ... جاهزه ..اوكـ نبدأ معاك على الخط >>> طبعا الهرجه عن ( الوقت) .. موضوع حساس وفي نفس الوقت يحمل أهمية عظمى .. الحين داومنا من 8 الى 5 .. (طبعا هذا الكل متفق عليه ).. يعني تقريبا نوصل البيت 6او 5ونص ( خصوصا اللي مثلي بيوتهم شوي بعيده ).. طبعا مشوار اليوم مررررره مرهق( 9 ساعات ) ..يعني يحتاج نووووم جاااااااااااااامد .. والصراحه النوم ايام الجامعه لايمكن تقدرين تنامين ساعتين وتصحين ( بالنسبه عني كل ساعه تجذب الساعه اللي بعدها ..وهكذا حتى يجي الصبح وبعدها اروح للجامعه ) ..فما مايمديني اذاكر.. شيء طبيعي وكلنا مرينا بنفس الظروف ولا يغرك أنه أنا مامريت بها بل كنت من أشد الناس اللي يعانوا منها ومازلت أعاني ولكن لابد من المكافحة ..وعن نفسي قرأت مواضيع وكتب كثيرة عن تنظيم الوقت ولكن اكتشفت أنه مستحيل نتغير إذا ماوجدت عندنا قناعات وأنا أشبهها بالدين لو ماكنت مقتنعة بدينك عمرك ماراح تصلي ولا تصومي ونفس الشيء مع حياتك والشيء الطبيعي أنه قناعاتنا تختلف من شخص لآخر ولا ماكانت هناك آراء مختلفة وعلماء وجهال وأغنياء وفقراء ..في النهاية قبل ما أبدأ معاك لابد العزم والنية على التغيير ولا الموضوع كله مامنه فايدة .. وخصوصا الطب يحتاج مذاكره اول باول .. أكيد مليون في المية ولو قراءة.. صدقيني دا الشيء نصحتنا بيه الدكتورة وأنا ماأخذت بالنصيحة وقلت ياإما مذاكرة ولا بلاشي .. وقلت أنا ماراح أستفيد مصيري أنسى.. لكن ندمت أشد الندم على الأيام اللي فاتت.. يوم طبقت نصيحتها وقلنا خلينا نشوف وألاقي نفسي تقريبا معاها ماشية واليوم الثاني لمن تسأل أو تعمل أسئلة مراجعة (ودي يحبوها يحكموا من خلالها على مستويات الطلاب والطالبات) كنت معاها وأسأل ليه طيب مانحط الخيار دا مو زي الأيام اللي فاتت (قاعدة زي الاطرش في الزفة) وما أخرج ولا بسؤال ( لأنهم يمنعوا كتابة أسئلة المراجعه)وما أخفي إنه الحمد الله نجحت في المادة اللي طبقت فيها مبدأ القراءة بمعدل عالي يختلف عن بقية المواد اللي مشيتها وراكمتها.. بجد موضووع ( الوقت ) مسبب لي ازمه مو طبيعيه .. فاليت تعطينا من خبراتك في موضوع الوقت لاجل الكل يستفيد ..خصوصا عندنا الحين فرصه انه نحاول نرتب وقتنا .. وبالله التوفيق..وجزاك الله عنا خير الجزاء..~

عزيزتي أنا كنت مجهزة موضوع لكم في الكلية عن أهمية الوقت وكيف تذاكروا ودا للطالبات لكن مايمنع أني أضع بعض منها هنا لأجل أن يستفيدوا الطلاب أيضاً فترقبي الموضوع
دمتي بخير