وإيش يكفيني شر انو زميلتي ماتسرق جوالي وتبتزني بصوري ؟؟
ايش يضمنلي انو وانا ماشية فالشارع مايجي احد يشيل الجوال ويشرد ويتصل يبتزني بصوري ؟؟
ايش يضمنلي وانا ماشية مع والدي فالشارع انو يجي 4-5 شباب يضربوه ويخطفوني؟؟؟
ايش يضمنلي وانا برسل اخواني كل يوم للمدرسة انو مايجي احد وهما فالطريق يخطفهم يتحرش فيهم او يغتصبهم؟؟؟
ايش يضمنلي انو معلمة اختي الصغيرة او حارس المدرسة او الفراشة او اي احد يتحرش فيها وهي غايبة عني 8 ساعات كل يوم؟؟
وانا واقفة قدام الجامعة استنى السايرة او الباص ايش يضمنلي مايجي واحد يسحبني فسيارته ويمشي؟؟
ايش يكفيني شر الخادمة انها تسرق صوري او تاخد من اثري وتبتزني او تسحرني؟؟؟
وانا دحين جالسة فصالة البيت .. ايش يضمنلي ما الاقي واحد كاسر باب البيت وداخل عليا بمسدس أو سكين؟؟
خلاصة الأمر .. الشر موجود بكل مكان .. بالزبط زي ما الخير موجود بكل مكان ..
وتصرف الممرضة كان سليم 100% .. بالزبط زي تصرف الطفل اللي استدرجه معلمه "الخمسيني" لشقة مفروشة قريبة من المدرسة ..