عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 22-08-2010, 11:35 AM   #10

.. اميره ..

جامعي

 
تاريخ التسجيل: Feb 2010
التخصص: تقنيات التعليم
نوع الدراسة: ماجستير
المستوى: الأول
الجنس: أنثى
المشاركات: 198
افتراضي رد: بدء استقبال طلبات الخريجات الراغبات في الالتحاق بالوظائف التعليمية "المؤقتة"



حسبي الله وكفى على من كان السبب في شحططت العالم وتعبهم على الفاضي بشهر رمضان هذا اول شي ابدأ فيه بعد مارجعت من مشواري .. دوبي واصله وحبيت اكتب اللي صار عشان ما اكلف على احد بالروحه



الوظائف المؤقتة التقديم كان عليها من خلال الرئاسة العامة لتعليم البنات اللي في حي العزيزية بجده


رحت اليوم علشان التقديم ..وراح اكتب اللي صار معايا بالتفصيل

تفاجأت ان الموظفة اللي بالاستقبال تحت وحتى قبل ما اطلع للدور الخامس اللي هو مكان التقديم .. تقولي مافيه وظائف ولا شي ( كلام جرايد ) وان البنات جو عشان التقديم من امس السبت وردوهم .. وكانو يطلعو لفوق ويسألو عن الوظائف واليوم اللي هو الاحد منعوا الطلوع لفوق واكتفوا برد الناس من تحت

لاحظوا ان فيه ناس جايه من مكه ومعاهم اطفال وفوق هذا كله صيام شفت معاناتهم الله يأجرهم .. لكن محد حاس بأحد

المهم للأمانه كانت الموظفه اللي تحت متعاونه وروحها طيبه واخذت رقمها عشان اعرف آخر مستجدات كذبهم وراح اكتب لو فيه خبر جديد عن التقديم عن طريق الرئاسه

وقالت لي روحي ديوان الخدمة المدنية لان صار كل شي عن طريقهم لو فيه افاده راح تكون من عندهم

رحت لهم .. اول مادخلت لقيت طابور ماشاء الله طويل عريض للمطابقة .. طبعا التعيين الرسمي اللي طلعت نتائجهم قبل فتره الله يبارك لهم ويرزقنا اجمعين

سألت عن الوظائف المؤقته .. جاوبتني الموظفة ان مافيه وظائف عن طريق الديوان ولا عن طريق الرئاسه وصارت الوظائف كلها عن طريق نفس المدارس سواء كانت حكوميه او اهليه
ولو فيه جديد من عند الديوان تابعوه عن طريق موقعهم وبس

يعني اللي تبغا اي مدرسه تروح وتشوف لو هم في حاجه تخصصها ولالا سواء كانت اهليه او حكوميه

هذا اللي صار معايا بالتفصيل الممل ..والله يوفقك الجميع ويجازي من يلعب بالناس


 

.. اميره .. غير متواجد حالياً   رد مع اقتباس