مجموع إنسان إنت رسبوك ف اربع مواد ؟؟؟؟؟
ليه حرام عليهم لاحول ولا قوه إلا بالله مره ثانيه سيب الفلسفه وخليها هنا لنا ف المنتدى مو براا
 إن شاء الله تدخل حاسبات والله يوفق الجميع تقبلي مروري
|
الي صار كما هو
ماده مهاره الاتصال الاختبار الاول ما اختبارونا وقالنا مسؤول الماده انتو بتاخذو 30 وكذب علينا لان دكتورنا ما داوم الترم كامل وانا مسكت الي معي ف الشعبه ورحنا له لعنا والديه الله لايبارك فيه ورسبنا وقال اختبار الاول ما راح اعيده لكم مع انه بنفسه بلسانه قال لاتختبروه لاتروحو الاختبار وراح نجيب لكم دكتور يدرسكم من جديد ونحط لكم موعد ثاني للاختبار والاختبار الثاني نفس الهرجه والسبب دكتورنا ما داوم كل الي معي ف الشعبه رحنا فيها
ماده الحاسب انا قلت للدكتور منهجكم هذا انا حافظه بالانجليزي قلت له انا فاااهم بالكمبيوتر في البرمجه شي ما يتخيله انسان صح عمري 19 خبرتي في الكمبيوتر 10 سنين وكنت ما اداوم عنده جا يوم وقالي انت كيف تجيب درجات فل مارك في الحاسب انت كيف اخر من يخش يختبر عملي عندي واول من يخرج يقلي انت تغش؟؟؟؟احد يطلع لك الاسئله؟؟؟؟ فكرني غشاش وصارت بيني وبينه مشاكل ويلمح لي اني اترجاه او اذل نفسي عشان يسامحني يخسسى والله قلت له محا احضر الاختبار النهائي في مادتك واجيب 100 في الصيفي مو برضاك الا غصب عنك اخرتها اذل نفسي مع انه سعودي
ماده الرياضيات انا دايما ابدع في الرياضيات دايما درجاتي فل من صغري احل حلول غير المكتوب واجيب نفس الجواب مخي نظيف ف الماده هذه ولله الحمد الاستاذ حقنا شيبه ما يعرف السبت من الربوع مفلت ما في راسه حاجه كل مره يبلع لنا نص القانون وانا اعدل له وانا غبت عنده 7 او 8 محاضرات اخونا في الله مدري كيف وصلها للعشره وعطاني دي ان واختفاء ولا شفته قسسسم قهرني مع اني انا الي كنت اعدل ع كلامه في المحاضره وانا الي كنت اعطيه حلول اسهل بس قدر الله وما شاء فعل يقلي النظام نظام ياشيخ روح انت ونظامك والله لو عمره صغير مو قد ابوي كان توطيت في بطنه .......
ماده الفيزياء اخذت اف بجداره وقلت للدكتور تراني مافلحت فيها بالعربي ما راح افلح فيها بالانجليزي وشرحه يانااااس زي خشتك اهبل تصدقون انه يشرح ويقول هذا القانون ويحل ويطلع الحل غلللط ويقول راجعو ف البيت لاياااشيييخ والي معي في الكلاس كل واحد فيهم يطالع في الي جنبه يتلمح فيه لعل وعسى احد يجاوب
وسمع الله لمن حمده الانجليزي مشيت فيها ومعدلي نزل من 3ونص الى 2 <قفزه عالميه^_^ من يقدر يسوي زيي بس ماقول الا اه منك منقهر
^_^ دحين يجيك احد من الجحلط الاداريين يقول قلبتو الموضوع شاتنق ويحذف ردي ..
ردي له احنا في اجاازه يرحم لي امك خلينا نفرفش شوي ونطلع الي في صدورنا والله هم فوق هم
........
نسيييت
انا سجلت في الصيفي مواد ومن الحاله الي جاتني من الطفش من الهم الي انافيه بعد ما شفت موضوع الي اسمها شموخ حذفت الترم الصيفي وقلت راح ادرسها كلها في الترم الجاي مره وحده وقاعد في بيت
هذاك اليوم الي حذفت الترم فيه كنت مررره داخل جوي ارقص ومتلثم في الغرفه وغير كذا اغطرف وصوتي واصل للشارع ههههه ولما خشيت الاودس ضغطت زر الحذف عشرطعشر مره خخخخخ ان شاء الله فيها خيره ..
,,,
ايوه نسيت اقولكم شي ترا صار لي حادث ع 180 وانكسرت ايدي وجروح في اليد الثانيه والحمدلله ماجاني شي سليم ربي رحمني نزلت لي ملائكه الرحمه والله ياناس شفت الموووت تخيلو ع 180 داخل ف عامود عند حديقه الامير ماجد والسبب ناس كانو بيمشو ع الشارع وانا جاي قاطع الاشاره ماسك الخط غرز يمين يسار وبعد اللفه لقيتهم قدامي شفت الناس قلت حرام اقتلهم مالهم ذنب ونطلت يسار اساس اني اروح للمسار الثاني واوقف هناك السياره حاصت علي وخشيت العامود بدون لمسه فرامل ,,
وقاعد في البيت من بدايه الاجازه قاعد احمل محاضرات انجليزيه عن البرمجه واتفرج استفيد بدال ما اضيع وقتي والحمد لله
ماني عارف ابكي ولا اضحك ..لو ما الحزن بادي مانفهم الفرحه.. اخوكم مجموع انسان
افتكر واحد من الاعضاء او العضوات ناسي بس قالي هذاك اليوم صح لسانك يوم سميت نفسك"مجموع انسان" انت فعلااا مجموع من كل انواع الناس ولما تكتب رد في موضوع تنهيه وما يحتاج احد يرد بعدك وقالي الي يعجبني فيك جرائتك وتكتب ردك بطريقه تخالي الثاني يرتاح نفسيا تفرفش المواضيع لدرجه انه في ناس يخشو الموضوع ينسو يردو على الكاتب ويصوتو لكلامي ويشكروني ع اشياءء نبهتهم عليها وهم كانو ناسينها وقالي انك تسوي الي في راسك وماتخاف من اكبر واحد قالي كلام والله يانااس راسي كبر صار نفيخه ^_^ بسم الله علي تف تف ماشاء الله
اخوكم مجموع انسان وانت يابنت ابوها مانسيتك والف شكر ع ردك وهذا مووااه احب راسك, راح ادعيلك ف غيابك في هذا الشهر المبارك, من جد ياناس في بشر هنا قلوبهم ابيض من نقاء الماء الله يحفظهم لاهلهم ويله لي عوده وبقوه
<<<<ماكاني طولت الرد حبتين ^_^ الي امه داعيه عليه يقراه كله