[سكووت]

شكرا على معلومة التعميم اللي من وزارة الداخلية اول مرة اسمع فيه..

وهذا الذي ذكرتيه ليس مبرراً لمثل هذا الإنتهاك لحقوق مواطنيهم المسلمات. حتى إن منظمات حقوق الإنسان التي لا علاقة لها بالشريعة الإسلامية تعترض على مثل هذا القرار بكل صراحة..

حلو يعني عاجتكم وقفة منظمة حقوق الانسان..طيب لو طالبت المنظمة السعودية باعطاء حرية للاجانب في عدم لبس العباية وتوفير كنائس لهم بحجة تسامح الاديان وزي ماالسعودية تبني مساجد هناك ..لتوفير راحة للمقيمين الاجانب حتوافق السعودية ؟؟ما اعتقد لانو حيقولوا دا بلد مسلم وانتو جايين وعارفين طبيعة البلد زي ماقلت حضرتكـ ..

وهم راضون به ولا أحد يكرههم على الإقامة في بلادنا التي تكرمهم وتعطيهم رواتب لا يحلمون بها في بلدانهم ولا يحلم بها حتى المواطن المسكين.

خلاص دحين احنا عرفنا نظامهم الجديد وقرات ايضا انو استراليا برضو بصدد مناقشة نفس الشي و بواقعية زي ماقلت للاخت بيشو انو هم موفرين للمسلمين حرية اكبر بكثييييير مما احنا موفرينها لهم هنا يعني نبوس يدنا وجه وقفا باقي يبنون مساجد هناك ونحتفل بالعيد براحتنا..واذا النساء مو عاجبهم هناك تقدر تلك الدول ترد عليهم بنفس كلامكـ وتقول لهم لا احد يكرهكم على الاقامة..

تحياتي ..