[عزة نفسي_تكفيني]

وعليكم السلام ورحمة الله وبركاته


هلا أختي

الموضوع اللي طرحتيه للأسف كل سنه ينعااد ونفس المواال ونفس ردهم

وبالنسبه لموضوعي اللي تكلمتي عنه ايه للأسف انا ومجموعة بنات حضرنا اجتماع بكليتناا وهذا كان كلااام وكيلات الكليه ورئيسة القسم وقالوا ان الكلام هذا جااهم من الجاامعه

ونزلت الكلام اللي انقاال في الاجتماع نفسه بالضبط في المنتدى من غير زيادهـ او نقصان ..يعني انا مالي علاقه بالموضوع .. اللي عملتوا ان حبيت أنقل الكلام اللي انذكر بلسان المسؤولات للإفادهـ

لكن للأسف على آخر السنه رحت لوكيلة القسم وبالقوهـ يالله قدرت أحصلها واتهجولت كل يوم وانا اروح لها عشان يدخلوني عندها.. مرهـ اجتماع مرهـ بعد ماجات وكل شوي بعذر وأصريت الا ان اقاابلهااا عشاان بس أجيب للبنات الخبر الأكيد واتأكد أكثر ... وكل غرضي افادتكم ومساعدتكم لوجه الله....

وللأسف كان ردهااا والله ماندري للآن ولا أي خبر جانا من الجامعه اذا حيتطبق السنه الجاايه ولااا بعديين << هذا كان ردهاا >> أنا صرت كذا

ولمن قلت لها بس انتوا قلتوا غير هالكلام بالإجتماع قالت وش نسوي احنا وصلناالكم اللي وصلناا احنا مو بيدنا شي

ورجعت وقلت هالكلام بالمنتدى ونبهت وحدهـ من العضوات بالمنتدى لأنها كانت حتختار الفرع بسبب القسم والحمدلله اني اتأكد قبل لا تختاار التخصص

وبعد هذاا برضوا مااأرتحت وحبيت أتأكد بزيادهـ وسألت الدكتور المشاط وكان ردهـ لي بعد ماراح يطبق للسنه الجايه لسى مااتجهز

مشكلة الجاامعه انهاا تصرح عن اي قرار من قبل ماايتنفذ وتخلي الطلاب والطالبات يحوسوا ويتلخبطوووا

ودااايما اي قرار معااهم بيااااخذ وقت كبييييير للتنفييذ << ماأقوول الا الله يعينهم على حالهم

ومثل ماذكرت لكـ طموووحه على اللخبطه اللي حصلت معانا

احنا دفعه انظلمناا كثييير بسبب تخبطااااات الجاامعه في القرارات وكانوا يطبقوا شي ويرجعوا يشيلوووهـ ماكنا نعرف احنا وش نهااايتنااا ..في المعدلات وفي الخطه وفي النظام وفي كل شي اتبهذلنا لمن قلناا بس

أشتكيناا وتكلمنااا ولا أحد سمع مننااا وكنا مانلاقي غير الأجوبه المبهمه زي ماذكرتي

خلاص وش بيدناا صبرنااا ووكلنا أمرنااا لله وطلبنا ان يعوضناا خير مقابل صبرنااا والحمدلله ماردنا وعدت السنوات وتخرجناا بمعدلات حلووهـ وأرتحناا من همهم ولازال أملناا بالله كبييير ان في اموور حلووهـ منتظرتناااا في المستقبل ..بإذن الله

لا تتحطمي ولا تزعلي ووكلي أمركـ لله والله ماراح يضيع تعبكـ أبد والله مالكـ غير الله هوو المعين والرحيم... اما غيرهـ ماراح تلقي منهم شي للأسف الكل همه نفسه

وبعدين كل شي مكتووب اذا الله كاتب لكـ تغذيه معناااته هذاا هوو نصيبكـ والله ماايكتب لعبدهـ الا كل خير

وهنا دورنااا اننا نحمد الله ونشكرهـ عشان يزيدنا أكثر وأكثر... مو نتحطم ونزعل ونعترض

لا بالعكس نقول الله كاتب لي هالشي وانا راح اجتهد وااتفوق وأبدع فيه وطبعا لوجه الله ولكـ أجر العلم والتعب ان شاءالله

الله يوفقكـ ياااارب ويكتب لكـ اللي فيه الخير وينير دربكـ بالنجاحات والتفوق ونشوفكـ دكتورهـ قد الدنيا