[معلمة مكه]

المشاركة الأصلية كتبت بواسطة آمال معلمة السلام عليكم اخواتي ومعلمة مكة ارجو منكم النصح انا جدا محتارة ونفسيتي تعبانة من كثر التفكير وانواع الإحباطات اللي اسمعها طبعا انا من خارج جدة واللي يقلي كيف تدرسي وتتركي زوجك لوحده وايش تبغي بالماستر اكتفي بوظيفتك وحافظي على بيتك طبعا انا عندي طموح ما في أحد حاس فيه وشي ثاني نكد علي انو قالولي في التدريب ما ينفع الا انك تدرسي باستثنائي ووداعا للراتب غير كده انو عندي بنتين في مدارس ماني عارفه انقلهم لمدارس في جدة ولا انتظر لين يترتب الجدول والله من جد محتارة وماني عارفة كيف انصحوني هل يستحق كل هذه التضحيات وجزاكم الله خير

انت من وين يعني بعيده عن جده ولا مثلي قريبه من جده ..
بصراحه قبولك في الماجستير هذا نعمه كبيره وحرام تفرطي فيها لكن ممكن تأجلي الدراسه الى ان تتحسن ظروفك ، وبعدين لا تنسي ان مدة الدراسه سنتين فقط يعني ماراح تتركي زوجك طول العمر ، غير كذا انتظري الى بداية العام الدراسي يمكن ربي يفرجها ويكون الدوام يومين او اخر الاسبوع ..
اهم شي ادعي طول الشهر المبارك ان ربي يفرجها عليك .. وبالتوفيق ..