16-08-2010, 04:37 PM
|
#8
|
كلمة المستحيل ممنوعة عندي
تاريخ التسجيل: Jul 2010
التخصص: IT ..
نوع الدراسة: إنتظام
المستوى: السابع
الجنس: أنثى
المشاركات: 362
|
رد: لن انساه مهما كان 000 ارجوا مساعدتي فكلمه منك قد تحل مشكلتي فلا تبخل /ي علي
وعليكم السلام ورحمة الله وبركاته
وإنتي بخير وصحة وسعادة .. منا منك يارب :)
ياعسل ليش دا كلو والله هوا أكثر واحد يحبك مافي أحد يحبك أكثر من ربك ربك أحن من أمك عليكي .. تعرفي يعني أيش أحن من أمك؟! .. وبعدين ليش تحطمي نفسك ومعاك مليون طريقة وطريقة ،، عندك ياتكملي وتحولي طب بعد ماتجيبي معدل عالي او اذا مرة كارهه التخصص تقدري تحولي أحياء أو أي مادة إنتي تستمتعي فيها وتقدري بإذن الله تجيبي معدل عالي فيها كمان وبعدين تحولي ..
أما اللي إنتي بتسوي ترى يعتبر من الإعتراض على قضاء الله وقدر قولي [ قدر الله وماشاء فعل ] .. وبعدين ممكن سارلك دا كلو تمحيص لذنوبك أو إختبار لكي .. المؤمن كل مايسيرلو شيء بحياتو لو أجر فيه [كل شيء بأجرو ] أو إبتلاء من الله سبحانه وتعالى " إن الله إذا أحب عبداً إبتلاه " ،، يعني ممكن إنتي حتدخلي بإذن الله بس ربنا بيختبرك أو الله يبغى يقربك منو أكثر بكثرة دعائك يبغى يسمع صوتك أو أو أو ..
ليش تيأسي من رحمة ربك صلي وإدعي ربنا وأبكي وناجيه قولي كل شيء انتي شايلة همو،، لو دحين قلتلك تعالي الملك عبد الله يبغاكي وقوليلو كل شيء انتي مو عاجبك وتبغي يتغير من تخصص من حالة اقتصادية من وظيفة أي شيء .. أكيد حتقوليلو كل شيء شايلة همو وتبغي يسيرلك .. فما بالك بربنا ورب ملكنا ورب الملوك كلهم .. [ولا تيأسو من روح الله إنه لا ييأس من روح الله إلا القوم الكافرون ] ..
وبعديت ترى مستوى جامعتنا أرقى من أم القرى ولا مايجو أهل مكة فعزوز إلا عشان كدا ..
وخدي هادي المقولة كلما إرتفع الإنسان ,, تكاثفة حوله الغيوم والمحن .
و
إذا أردت النجاح فلا تضيعي الفرص .
هذا قد قلت ما قلت إن صواباً فمن الله وإن خطأً فمن نفسي والشيطان ..
في أمان الله
|
|
|
|
قال تعالى: [وَذَكِّرْ فَإِنَّ الذِّكْرَى تَنفَعُ الْمُؤْمِنِينَ]
*
[قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ]
*
[فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا]
|
التعديل الأخير تم بواسطة CrEaTiVe4ever ; 16-08-2010 الساعة 04:40 PM.
|
|
|