شوف أخوي ثامر ، زي ما قلت اللي عنده طموح لازم يضحي
و ما أقصد بالتضحية هنا أنك تضحي بواحده من الدراستين ، أقصد تضحي شوي براحتك الشخصية
أنا من رأيي أنك تكمل في التخصصين مع بعض و تصبر و الدراسة تحتاج صبر أكثر من حاجتها للذكاء
أنا ما أقولك أسمع نصيحتي ، عشانك و الله بتتعب تعب ما تتصوره ،،،،،،، أنا مجرب
أبقولك برنامجي السنة الماضية :
1- موظف حكومي .
2- أدرس دبلوم برمجة (معهد نيوهورايزن)
3- أدرس شهادة الـ ccna للشبكات (أكادمية الفيصل العالمية)
4- طالب سنة تحضيرية في جامعة الملك عبدالعزيز (تعليم عن بعد)
5- متزوج و عندي طفل (و لله الحمد)
طبعا بتقولي أنت ملخبط نفسك و ما راح تجيب نتائج مرضيه
أقولك لا
و لله الحمد أولا و أخيرا معدلي في البرمجة (4.78) و معدلي في الجامعة (4.80) و أخذت شهادة الـ ccna و بتفوق
بس زي ما قلت لك الصبر ثم الصبر ثم الصبر
و الله يوفقك لما فيه الخير