[ساكنه في بيتنا]

ما شاء الله اصناف كتير تعملوا ..


نحن كلها صنفين بالكتير تلاته و الحمد لله ما نحب اكل كتير في السفر .. بس لو كان عندنا ضيوف .. تعالوا شوفوا حوسه ماما

ما شاء الله تعمل كل شي ,, تقول يمكن محد ياكل دا يلاقي شي تاني ياكلوا يمكن ,,, يلاقي ,,, ..

ممم حاليا راح نفطر اول يومين في مكه عند اهل ماما ..

بس سفرتنا من يوم ما اتولدت و هيا وحده

سمبوسه باللحمه + الجبنة نعملها من الظهر كل يوووم و شوربة حب كلللللل يوم لاااازم

الفول حسب اخويا و بابا اذا فيهم يجيبوا ولا لا

ولااااازم سلطه خضرا و زياده عليها عن الأيام العاديه نحط بصل أخضر شويه ..

سلطه كزبرة + طحينة + سلطه فلفل ..

مممم لو طفشنا ممكن نعمل ساندويتشات تونه و لا ساندوتشات كودو ولا مكرونه بالبن و النعناع

ممممم وممكن نقلي كم حبه كوبيبه ,, مم و سبرينغ رول بالجبنه ولا الدجاج


على حسب الأيام و درجة الطفش من السمبوسة .. و الحمد لله كلو في الفرن ما نقلي شي و نحوس في الزيت

اخف على المعده و احسن للصحه ..

الا اذا في حاجات ما تنحط في الفرن نضطر نقليها ..


و في نص الشهر تلقينا غيرنا من السمبوسه و و عملنا بيتزا مع شوربه

ولا فرموزا و منتو و ششبرك ..

نسيت اقلك عن الحلى ..

بعد الفطور نحط القهوة و كنافة الموز و القشطه

و ممكن نعمل قطايف برضو بالموز و القشطه

مممم ممكن نعمل خليه النحل بالتوفي ..

مممم ممكن نعمل اصايع البنات << مدري تعرفوها ولا لأ ..

مممم دا اللي في بالي تحين

الموضوع دا الم في وقت الصيام ..