[فاقدة أبوها]

وعليكم السلام ورحمه الله وبركاته موضوع خطيييير جدا جدا .. بس ماشاء الله عليكم مو كأنو كثير الأكل أول يوم ...؟؟!! بالنسبة ليا لو زوجي موجود حأطبخ لو موجود الشغالة الله يسعدها تقربعلنا أي حاجة هههههههههه الشوربة على حسب أحيانا كويكر وأحيانا حب .. جربي تسوي شوربة بالبزاليا مرررررررررره خطيرة أو الفاصوليا البيضا مسلوقة دجاج أو لحم وحطي عليها البزاليا أو الفاصوليا والبصل البهارات اللي تبغيها ..15 دقيقة تقريبا بعدين أخلطيها في الخلاط مرررررررررره لزيزة جدا جدا .. حسوي ان شاء الله فناجيل البطاطس ، وكمان حلى لسه ما قررت ايش هوا كمان سمبوسة لازم .. بس كذا يكفي هههههههههه موضوع راااااااااااايق صراحه .. ما ننحرمش ..

الأخطر مرورك ياباش,
ممممم اكيد لازم يكون كثير لأن عمو وأولاده معنا كل يوم ,
لو زوجك مو موجود لاتفطري لوحدك,
روحي عند اهلك أو اهله (مافي زي الفطور مع اللمة )
ان شاءالله حجرب شوربة الفاصوليا البيضا لأني احب الفاصوليا أكثر من البازيلا,
فناجيل البطاطس اول مرة اسمعها!
معلش وصفة ع السريع لأن محابر تعشق اطباق البطاطس

يسلموو على مرورك ياعسل.

وعليكم السلام ورحمة الله وبركاته الأطباق بين السواخن والسَلطة والتمر والعصيرات الطبق الرئيسي والأطباق الجانبية ثُم الحلويات بالنسبة لطبيعة أكل العائلة من المستحيل أن يكون الطبق الرئيسي " رُز و إيدام في الفطور" لأنني أراها دَسمه على معدة الصائمين ومُناسبة أكثر للأيام العاديه " كغداء " أمًا التحضيرات فأهلي ممن يحبون التغيير دومًا بعيدًا عن التكرار وأن يكون " مييزا وجديدًا .. إلخ " ويُناسب رغباتهم المُختلفه لذا هُنا الاختيار بالنسبة لي أصعب مرحله أما التطبيق فالحمد لله . أبدا الطبخ غالبًا من الظُهر وحسب الأطباق تكون المواصلة أو على فترات متقطعه تقديم الفطور كثيرًا ماطالبوا أن نبدأ بالتمر والسلطه والسواخن في البدايه " خفيفه جدًا " بعد ذلك للصلاة ثُم يعودون للفطور والأطباق كامله وللأسف كُل مره يتكاسلون ونعود للنظام الطَبيعي لكن هذه المره بإذن الله ستُطبق قسرًا وإلى الآن وأنا أحضر " ملف وورد " للأطباق الرمضانيه حتى لاننشغل بالنت والبحث أثناء رمضان ، أشغلنا الله وإياكم بطاعته وإن أردتم أي خدمه فـ سَعْي حاضِره = ) دُمتم سباقين للخير ~

هلاا سعي,
فعلاً حتى خوالي يستغربوا اننا نسوي رز ع الفطور!
زمان ماكنا كذا بس لما جاورنا أهل عمي لاحظناهم يسوونه فأعجبت اخواني الفكرة وصاروا يتركوا بقية الأكل عشانه لحد مابطلت اطبخ اصناف ثانية وصار هو الطبق الرئيسي(أهم من الشوربة والسمبوسة)

ماشاءالله على أهلك يشجعون الواحد يبدع ,
انا لما يدخلوا اخواني المطبخ ويشوفوني اطبخ ومعي كتاب-واحيانا اللاب- يقولوا فكينا من اختراعاتك بس طبعاً مااسمع لهم
حكاية الافطار الخفيف قبل الصلاة جيدة لكن متعبة لأننا نقدم سفرة يومية بالمجلس فصعبة نودي لهم
(اتذكر مرة حاولنا نطبقها لقيت اخواني بدل مايروحوا المسجد يروحوا المطبخ )

فكرة تجميع الوصفات رائعة وذلك لاغتنام وقت البحث فيما ينفع,

استمتعت جداً بردك سعي,
كل الشكر لتواجدك.

اهنن بمشرفتنا شهرك مباركـ ويسعدلي ايامكـ يالغاليهـ الله يعينكـ على الدوآم ويكسبك الاجر انا عن نفسي ان شاءاللهـ اول يوم كل اخوآني عندنا راح اعمل حلا الملاعق +الكراميل +منائيش الشوربة ماما تعملها وكمان كالعادة حريم اخواني مايقصرون كل وحدة بصينيتها وبعد التراويح يبدا التخطيط للعشاء اللهم اشغلنا في طاعتكـ فيما يرضيكـ عنا وبلغنا آمالنا بارك اللهـ فيك موضوع ناآآآآآآآآآآآآآيس مجرم على قولة باش ~ ودي

اهنن فيك سوووزي
علينا وعليك ياقمر
ويسعد أيامك ويحفظك من كل شر,
ممم نظامكم غريب علينا احنا مانسوي عشا بعد التراويح
( احسها صعبة أدخل المطبخ مرة ثانية بعد العِشا )

حريم اخواني امي مدلعتهم آخر دلع تقولهم ماله داعي تتعبوا واحنا كذا كذا طابخين <مقهورة منهم
ربي يحفظهم والله مايقصروا معانا دايما متعبتهم معي وقت العزايم,

يسلمووو على أحلى دعوات
ولك بالمثل ان شاءالله.

تسلمي حبيبتي وبالنسبة لعمل سمبوسك الدجاج تجيبي من السوبر ماركت رقائق السبرنج رول ( السنبلة) بالبر أو العادي زي ما تحبي بس انا أحبو بالبر أما حشوة الدجاج تجيبي دجاج مفروم ناعم وابشري جزر وتفرمي ملفوف ( البنفسجي ) وبصل مفروم أما التوابل عبارة عن بهار وبودرة سناد نكهة الدجاج وصوص الصويا تقلي البصل مع الدجاج وتحطي التوابل وبعدين الملفوف والجزر لين ما تحسيها أنها نضجت وسيبيها تبرد قبل ما تلفيها بالرقائق وتستخدمي شوية طحين مخلوط بموية عشان تلصقي طرف الرقاقة وبعدين حطيها بصينية بدون ما تدهنيها زيت وبالفرن لين ما تحسيها أنها صارت مقرمشة وبس

ربي يسلمك نجمة,
ان شاءالله اسويها,
بس مافهمت كيف الفها يعني زي السمبوسة العادية<معلش غلبتك

ماشاءالله .. مو كنه وايد < اول يوم بس نتحمس وبعدين سندويشات خخخخ انا راح اسوي اشياء خفيفه والباقي على ماما .. الله يخليها لنا ويحفظها يارب .. راح اسوي حلا الملعقه < ههههه عجبني حيل طبعا الطبق الرئيسي شوربه كويكر وسمبوسه وجلي < ههههههههههه انا اعتبره الطبق الرئيسي طبعا معجنات وسلطه ولقيمات < على امي كمان ههههه مقسمين الادوار خخخخ عوافي خيتو

أهلا r-r
سندوتشات برمضان
اه يمكن للسحور فقط ههههههه

ماشاءالله ونعم التقسيم كله على الماما ربي يحفظها
ايش فيكم على حلا الملعقة ولاعجبكم اسمه

الجلي اتذكره ايام الطفولة بس محدش بياكله عندنا

يسلموووو على تواجدك ياقمراية.

موضوع خطير يآ فقوودهـ ويآآآسلام سفرتكم تشهي .. بس تصدقين أستغربت أنكم تسوون رز عالفطور .!! بالنسبه لسفرتناا الشوربه والسمبوسه "أمي" تسويهاا الله يحفظهاا الكفته وورق العنب والملفوف فرزناها الأسبوع اللي فاات .. يعني شغلتهاا سهله آختي ممكن تسوي مسقعه وأنا بسوي أن شاء الله مكرونة البيتزا وأبوي الله يحفظه يسوي العصير "فواكه مشكله" والفول جاهز من السوق وبس وهآذي صورهـ "آخذتها السنه اللي فاتت" أول يوم في رمضان

أهلين وسهلين ومرحبتين مولان
ايوة حتى انا لما اجلس مع البنات استغرب بس احنا وعمي نسويه
ماشااءلله حلوووة انك تفرزي بدري عشان الوقت,
لكن للأسف الماما ترفضه رفض قاطع ولما افرز حاجة ماتخلي اخواني ياكلوا منه

عجبتني نقطة ان الوالد يسوي العصير بنفسه
ربي يحفظه لكم ويطول بعمره على طاعته,


والصورة رهييبة ماشاءالله اعجبتني مرررة
خاصة سلطانية الشوربة مررة شيك


نوووورتي مولااان .

يسلمو يا فقوده على الموضوع مره نايس بالنسبه لنا احنا موزعين الادوار بيني وبين ماما ماما الله يخليها لنا تسوي شوربة كويكر باللحم + قلي السمبوسه (هذي نسويها كل يوم) وانا علي المعجنات و الحلى و"لف السمبوسه">>اهم شي بالنسبه لاول يوم المعجنات : بيتزا+خليه+بريك الحلى : نوع واحد يكفي اذا ما جونا ضيوف واتوقع حسوي توفيه او تمريه>>لانها محبوبه عند الكل + كريم كراميل هذا غير التمر و الخواضه و التوت و السنكويك والقهوه وبالنسبه للتقديم انا ماعندي فطور اول وفطور ثاني ومدري شو احطه كله مع بعض قبل الصلاه ماعدا (كريم كراميل)>>هذا حاله استثنائيه

ربي يسلمك شمعتنا
اكيد الشوربة والسمبوسة ماعليها كلام,
ممم الحلا فعلاً نحتاج منه فوق العادة لأن الضيوف يكثروا ماشاءالله برمضان .
طيب التمر وعرفته
ايش هي الخواضة اول مرة اسمعها

انتي زينا كله مع بعضه مع اني نفسي انظمه بس صعب عليّ التقديم مرتين وكمان وقت الصلاة,

يسلمووو على تواجدك شمعة .