[ستأتي أيامي]

السلام عليكم ورحمه الله وبركاته ..

كيف الحال والأحوال ..
يارب الكل يكون بصحة وعافية ..

رمضان مبارك


الكل يعرف إنو..
الطفش بيعمل عمايلو معانا ،،، عشان كذا جعت مع إني مو جيعانا >>> أنفع شاعره صح

رحت المطبخ وأنا مره مشتهية آكل حلى ومافي أسوي حاجة ، فجات في بالي هذي الفكرة اللزيزة ..

المقادير ..
شريحتين توست .. نقطع الشريحة قطعتين ونشيل الحواف
حليب سائل + فيمتو مخلوطين مع بعض في صحن ..
جبنة كيري..
حليب مركز + ملعقة شكولاته بودرة مخلطين مع بعض ..
بسكون أوريو مطحون ..
4 حبات عنب للتزيين

نجيب التوست وندهنو بالجبنة زي كذا مو لازم تدهنو الجبنة بإخلاص




بعدين نغمسوا في خلطة الفيمتو والحليب شويا مو كلو ونرش عليه شويا أوريو ونحطوا في صينية ..
أنا استخدمت هذي الصينية لأنو وبكل صراحه مافي أغسل مواعين آخر الليل



ونسوي طبقات على نفس الطريقة ،
الطبقة الأخيرة نحط خلطة الشوكولاته مع الحليب المركز وندخلها الفرن لمدة 10 دقائق بس ..

لما تخرج نزينها بالعنب والأوريو المطحون ..



تقدم مع كوب حليب باااااااااااااارد ..



مررررررره لزيزة جدا جدا جدا ..

أكيد الكل حيتسائل عن المستطيل الأسود اللي فوق ..
هذا ياحلوين سويتو عشان أكتب بالعافية ونسيت





يوم السبت جاتني عكوسة وأختي الصغننة فحبيت أسويلهم حلى لزيز وسهل
افتكرت أستاذة التعذيب حقتنا - ملكة لها بلا منازع - الغالية أم خالد ..

انها نزلت حلى البساط وشكلو كان مرررررره لزيز ومشهي ، دخلت المطبخ وشمرت ..
وسويت الحلى
وعشان ماما ماجات سويتلها صينية صغيرة هي وبابا ..
مررررررررررره الحلى كان لزيز لأبعد درجة تتخيلوها رغم سهولتو ..
ماما مررررررررره انبسطت منو ، كمان بابا مررررررررررره عجبو ..

أخواتي وأطفالي المفاجيع قالوا ليش ماكبرتي الصينية

بس جد لااااااااااااااااااازم تجربوه ..

http://www.skaau.com/vb/showthread.php?t=233900

هاذي صورتو ..





..وبالعافية علينا وعليكم ..