الموضوع: دبلوم شبكات
عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 09-08-2010, 10:38 AM   #4

lafander

جامعي

 
تاريخ التسجيل: Mar 2010
نوع الدراسة: إنتظام
الجنس: أنثى
المشاركات: 153
افتراضي رد: دبلوم شبكات

السلام عليكم ورحمة الله ...
اختي تشيدام حبيت افيدك من مجال خبرتي ومعرفتي بالشبكات ... واحب اقول لك نعم الاختيار لتعلم الشبكات بكذا تفتحين لك اكثر من مجال عمل وكمان أأكد كلام اخوي العمري
مو مهم أسم المعهد نهائيا..
الاشياء المهمة:-
1 المنهج
2 متطلبات المنهج
3 هل الأختبارات اون لاين شاملة مع الدبلوم أو لا
4 خبرة المدرب وشهاداته
5 التطبيق
افضل شهادة لدبلوم الشبكات هي شهادات سيسكو يعني بالاول تاخذين سيسكو ccna لان هي الاساس واللي يقول لك غير كذا بيضحك عليك فانتبهي ولا تنغري بالدعايات حقت المعاهد و نجي لمشكلة صغيرونة وهي ان تخصصك رياضيات فحيصعب عليك الموضوع خصوصا ان سيسكو تدرس بالانجليزي وشهادتها عالمية ومطلوبة في سوق العمل
على كل حال الامل والحل كمان موجود انت لو تاخذين مبادئ في الشبكات من اي معهد ونصيحة لوجه الله ابعدي عن نيوهرايزن والعالمية يوم شهادتهم معترف بيها ويوم لا !!!؟وغير النصب وكلام طويل عريض ما من وراه فائدة

شوفي لك معهد صغير يعلمك مبادئ الشبكات وبعدين الله يسلمك توكلي على الله وخذي شهادة سيسكو ومنها تقدرين تطورين نفسك بشهادات اخري لها علاقة بالشبكات زي شهادات مايكروسوفت انتبهي اول سيسكو ccna وبعدين خذي اي شئ

انا اخذت دبلوم شبكات سيسكو بعد الجامعة من كلية عفت مع أ.أكيلا بالمرة ممتازة قيمة الدبلوم 7500 شامل المستويات الاربعة كلها اضافة للاختبارات الدولية حقتها مدة الدراسة اخذتها على سنتين لان المستوى الواحد 3 شهور تقريبا لكن حتى ينفتح مستوى اللي بعده اكثر شئ 5 بنات في الكلاس و اقل عدد 3 والصعوبة هنا ان المدة طويلة لان الكلاس ما يفتح الا لو توفر العدد المطلوب من البنات على فكرة انا سجلت الدبلوم 7500 مرة وحدة فكان عليها تخفيض لكن لو على اقساط كل مستوى اظن 2000 -2500 انت راجعي موقع الكلية قسم الحاسب الآلي وفيه التفاصيل
http://www.effatuniversity.edu.sa/in...412&Itemid=475
وهنا تعريف بالاستاذة
http://www.effatuniversity.edu.sa/in...&contact_id=29
لو خلصتيها بإذن الله على خير حتاخذين شهادة الدولية بمعنى لو خرجتي بره البلد هذة الشهادة تساعدك تلاقين وظيفة فنية شبكة اقل شئ براتب 2500 دولار طبعا ما اعرف هنا كيف الوضع وبصراحة البخس في السعودية بطريقة عجيبة لو معك دكتورة في الشبكات الرواتب لا تسمن ولا تغني من جوع ....لكن تقدرين تشتغلين بزنس خاص بك كفنية شبكة وتعملين صيانة او شبكة لمعامل الحاسب للمدارس الخاصة و كمان للمكاتب النسائية

بالتوفيق

 


التعديل الأخير تم بواسطة lafander ; 09-08-2010 الساعة 11:08 AM.
lafander غير متواجد حالياً   رد مع اقتباس