[بحر الحرية]

المشاركة الأصلية كتبت بواسطة سجايا السلا عليكم رحمة الله وبركاتة أنا غير سعودية تخرجت الثانوي العامة السنة دي ونسبتي 93% أدبي وما اختبرت قدرات لآنو كان عندي ظروف و أنا الحين أبغى أقدم في الجامعة و أدرس انجليزي , وحسب معلوماتي أنو الرسوم 3000 و أنا ظروفي المادية ماتسمح :( أخوي لما أروح الجامعة وش المطلوب منى!! و المشكلة ماعندي نسبة اختبار قدارت يعني لازم أنتظر السنة الجاية ماشاء الله على مجهودك أخوي حرية البحر

أهلين أختي سجايا..
بحسب النظام الموجود يشترط إنك تكوني اختبرتي القدرات، لأن نسبة القبول المركبة مكونة من القدرات 40% والثانوية العامة 60%، وكان المفروض تدخلي على موقع قياس أو تتصلي عليهم وتشوفي الحل، لأني بحسب ما أعرف إنه يعطوا فرصة للي عندهم ظروف وما قدروا يختبروا.
على العموم إنشاا الله خيرة..

لكن بإمكانك تقدمي إنتساب، لكن بالنسبة للمبلغ اللي ما أعرف إيش أقلك، لأني اللي أعرفه إنه نظام الإعفاء خاص بالسعوديين، لكن ياريت تتأكدي، ممكن يساعدوكي.

اللي أقترحه عليكي الآن، إنك تشوفي موقع قياس يمكن يكون عندهم حل للي زي حالتك، أو تتصلي على الجامعة وتشوفي الانتساب هل ممكن يساعدوكي في مسألة الإعفاء، وحاجة تالته كمان: استفسري هل لو قدمتي انتساب كغير سعودية، ممكن لو جبتي معدل عالي في السنة التحضيرية يحولوكي انتظام؟

وعندك في المنتدى قسم للمنتسبين، لو عندك استفسار حطي سؤالك هناك، وحتلاقي مشرفين عليه عندهم خبرة، لو تسأليهم ما راح يقصروا معاكي.

لكن إداا تفكري ف الانتساب لازم تستعحلي شوية، لأن التسجيل راح يقفل يوم 30/8..


الله يوفقك ويسهل عليكي يارب ويخترلك اللي فيه الخير؛؛