[دمعة يتيم]

أفضل طريقة للمفاضله بين القسمين

هي مراجعة الوظائف المعروضه بالسوق

هل هي وظائف ( الإدارة العامة ، أم إدارة أعمـال )

عندما تتصفح مثلا أحد الجرائد وتفتح على الوظائف في الشركات

والقطاعات الحكومية تجد ان هناك نسبة كبيره من الشواغر الوظيفية تتطلب

شهادة إدارة أعمال وَ ( خبرة ) وأكيد الجميع لاحظ الشيء هذا

يعني انا من وجهة نظري بحكم انك راح تدرسين وتدفعين كل ترم 3000 ريال

وراح تشترين كتب وتاخذين من وقتك وتذاكرين فحرام أنه يروح بتخصصات

مجالات الوظيفية فيها قليله نسبة لتخصص إدارة أعمال

يعني الآن مثل لنتكلم عن تخصص إدارة عامة جميع الزملاء كانت ردوهم أن إدارة عامة تكون بالقطاعات الحكومية

هل من المضمون أنكِ راح تتوظفين بالقطاع الحكومي الآن القطاعات الحكومية فرصة التوظيف فيها صارت قليله

فأنا ليش أتهور وأدرس تخصص توظيفه بقطاع واحد فقط ( قد يقبلونك قطاع خاص الأرزاق بيد الله ) بس بفرصة ضئيله

فأنتي الآن تعيشين على فرص توظيف ضعيفه

أما إدارة الأعمـال فتخصص مطلوب بكل القطاعين الحكومي والخاص بشكل أوسع اذا ما لقيتي بالحكومي بالخاص تلقين

أما إذا كنتي تقولين انك بتدرسين إدارة عامة وتكملين ماجستير إدارة أعمال فأنا أقولك تخصصي إدارة عامة وريحي راسك


وبالنسبه لما كتب من احد الزملاء انه لازم مدرسين خصوصين وما ادري ايش

صدقيني جميع المواد اذا ذاكرتيها من الملخصات والكتب وراجعتيها كويس ما تحتاجين لمدرس

وبالنسبه لي انا قبل ما اتخصص إدارة أعمال راجعت كل التخصصات وبصراحه انا نظرت للمستقبل

وحاجة السوق

وجدت أن المستقبل الوظيفي وحاجة السوق تتطلب إدارة أعمال بحكم أن السوق الآن مقبل على طفرة وظائف في السوق مثل

المدن الإقتصادية مدينه الملك عبد الله الإقتصادية .


بالنسبة للبنات انا اشوف ما عندكم شيء يعني وقتكم كله بالبيت حتى لو عندك عيال

وش يمنع انك تذاكرين مو معقوله العيال بياخذون وقتك كله ولا راح تلقى وقت تذاكر فيه

انا عطيتك رائي بكل صراحه والرأي لك طبعاً

والله يوفقك يا رب