[aziz8008]

المشاركة الأصلية كتبت بواسطة خلف هذا المدرس قال لي واحد من الشباب أنه الترم الماضي درس عنده وعطاني رقمة ونصحني فيه،، وانا ممكن أدرس عنده هذا الترم ان شاء الله.. أسمه/ ابو عبيده مختار سوداني الجنسية رقم جواله/ 0506640921

اخواني انا دارس عند ابو عبيده جميع المواد العلميه في السنه التحضيرية

وكذلك الاقتصاد الجزئي والمحاسبه 101 والتحليل الكمي من المستوى الثالث


ودرست مع عاطف الحصري المحاسبه 102 وماليه شركات 340


فرق بين الاثنين وكبيررررر ايضا

ابو عبيده مشكلته لا يستقبل نهائيا اي سؤال من الطلاب الذين يرغبون في اعادة الشرح في حال عدم الفهم ويعصب عليهم اذا سألو لانه خايف انك تسأله سؤال مايعرف يجاوبه

واذا كنت اول مره تدرس عنده سوف تحصل على شرح ممتاز واذا ضمنك معاه للمواد القادمه اصبح شرحه سيء لابعد الحدوووووود وانسان غير مرتب في الشرح ولا في مواعيده

وانا لا اعتبره مدرس بقدر مااعتبره شخص ملخص ومبسط للماده وهو من النوع اللي يدرس كل المواد ( يدرس محاسبه ورياضيات واحصاء وماليه واستثمار واقتصاد ) والله لو انه انشتاين

وابو عبيده في الاقتصاد الجزئي عطانا كم مذكره وجالس يقراها لنا منها فقط من دون اي شرح والله اني ناجح بمجهودي لاني ذاكرت بنفسي وحاولت افهم نفسي بدون اي مساعده منه

وهذا النوع مايعجبني بعكس عاطف الحصري تخصص محاسبه وماليه ويعطيك خبرته في هالمواد ومتمكن منها


وابو عبيده يسوي نفسه له علاقات في الجامعه وانه يقدر يجيب الاسئله ، وللاسف يلعب على الطلاب يقول هذي الاسئله بتجيكم وهذي ماراح تجيكم
واصلا يعطينا اسئله السنوات اللي راحت لانها تتكرر لكثير من المواد في الجامعه ويحلها مع الطلاب واذا جت نفسها صار يسوي لنفسه دعايه ويقول شفتو انا قايلكم لي علاقات في الجامعه وهي اصلا اسئله السنوات اللي قبل

واصبح اسلوبه مكشوف للشخص الفاهم

اما عاطف الحصري درست عنده الترم اللي راح محاسبه 102 وماليه شركات 340

فرق السماء عن الارض شخص من شرحه تحس انه فاهم واذا مافهمت يعيد لك مره ومرتين وثلاث وانسان مرتب في مواعيده وفي الشرح وخطه واضح ومقروء للشرح اللي يكتبه بعكس ابو عبيده

طبعا بعض الشباب اذا اخذ درجه عاليه في احد المواد بدأ يمدح في المدرس ويوصله للسحاب وهو مايدري ان هالمدرس مساعد فقط لفهم الماده وتلخيصها وحل اسئله اختبارات سابقه وباقي الجهد على الطالب بكثره حله للمسائل واسئله السنوات السابقه ويرجع الموضوع ايضا لدكتور الماده والاسئله التي وضعت وكل هذي معايير وليس المدرس فقط


طبعا تظل وجهه نظر بحكم اني درست عند المدرسين الاثنين وانا على مااقول شهيد ولا لي اي علاقه لا بهذا ولا بهذا انا مجرد نقلت لكم تجربتي

بالتوفيق للجميع