[M!Ss mas6ola]

.

سكن الشرفية , مجهول الهوية
كلنا ندور على أحد يفيدنا

*
على فكرة ..!
اذا بتجيبي بس قدر صغير وصينية .. ح تتعبي
سوي نفسك كأنك بتأثثي غرفة لكـ
ايش بتجيبي وقتها ..؟!

*

مخدات - بطانية - يمكن مرتبة كمان - فرشة كنب -صغير ...الخ (والكثير)
وأنا عن نفسي بجيب الادراج البلاستيكية(في ايكيا تلاقي منها) اللي تيجي تحت بعض عشان ارتب فيها ملابسي


قدور - صينيات - ملاعق -شوكات - سكاكين - صحون ...الخ (لاينتهي )

الأكل جيبي الاشياء البسيطة اللي ممكن تسويها بسرعة
مكرونة - تونه - اندومي - مويا (كل ما يخطر على البال بالكرتون وما انصحك بالحبة )

اسشوار - مكوى - غلاية (اللي تستخدميه عادة )

مكنسة - مساحات اللي تمسح البلاط والجدران والحمام - مستحضرات التنظيف(فيري - كلوراكس- ...الخ)

طبعا اداواتك الشخصية ....
وحطي في بالك انو ح تلاقي المكان غبآآآآآر لانو من 3 شهور وأكثر مقفل ..~
أنا مثلا بستأذن اجيب الشغالة تنظف لانو أنا مآ أعرف أبدا
ان شاء الله يرضو يدخلوها ولا بروح فيهآ ..~




*
وعلى فكرة انتي ماتعرفي طبع اللي ح تكون معاكي

يمكن ما تحب الازعآج , والبلاي ستيشن
ولاتثقي في اي احد بسسرعة
وركزي على درااااستك وسيبكي من التفكير الثاني
بـ الالعاب و الطبخ و الفله
ما أقصد التزمت
ولكن إتوسطي ( تقبلي النصيحة بروح رياضية )



*


جهزي اللي يكفيكي الى اجازة الحج
وقتها ح تعرفي ايش تحتاجي , كيف روتينك و وطبع اللي معاكي
..

الله يعينك ويوفق الجميع

دعواتكـَ

.