رد: القبول ببرنامج الانتساب للعام 1431/1432 لمرحلة البكالوريوس
السلام عليكم
اخواني انا مشكتي مشكله واللي عنده حل او اي شي يقولي
انا رسلت اوراقي dhl والجامعه ماقبلتها لان رقم الارساليه مكرر
اتصلت على الجامعه قالي راجعي قسم الطالبات دقيت ماردو
رحت وضربت مشوار من مكه الين جده ودخلت مبنى 29 مبني القبول
قالولي تبغي مراجعه روحي شماليه واحد
رحت شماليه واحد وقعدت ادور على العمادة التسجيل والقبول الين وصلت لها
قلتلهم انا رقم الارساليه عندي مكرر ابغا اغيره
طالعت باوراقي قالتلي بالحرف الواحد انتى نسبتك 77 ومقيمة تعالي برمضان لاننا بنشتغل على نسبة تسعين
قلتلها كيف طيب التسجيل بيخلص اخر شعبان بس غيرولي رقم الارساليه بس
قالت والله مابنشتغل الا على 90 حاليا
قلتلها طيب يوم كم برمضان قالت مادري يمكن بنص رمضان جربي ارسليها تاني
------
وتيتي زي مارحتى جيتي
كيف كدا يعني ؟؟ كيف اجرب ارسلها تاني برمضان والرقم مكرر
وايش بيسير لهم لو غيرو الرقم دحين
في امكانيه اروح انا اعطيهم اوراقي بدون DHL وخلي الرقم المكرر حقهم زي ماهوا ؟؟
ولا في امكانيه الغي طلبي بالنت واقدم على طلب جديد بارقام جديدة؟؟
ولا ايش الحل
لا تقولولي اتصلي على الرقم الفلاني لاني لو اتصلت بيقولي راجعي قسم الطالبات اللي مايردو على التلفون ومادري ليه مسوين لهم تلفون .. وما راح انزل واطلع جدة مكه كل شويه عشان مالقا منهم شي خصوصا لو كان برمضان
انا اوراقي عندي ودخلتها الدولاب
خلاص قفلت معايا
|