[Life as Game]

السلام
عليكم
ورحمة الله
وبركاته ..

"و ندمت"


ايش الهرجة واللي صار ؟؟
والله مو طبيعي ..
..حتى همي س بيشل ..
أه والا آه ؟؟مدري كوحة والا زفرة ؟؟
اذا جوي الهم غشاه ..
حتى احترفت النكت واجتنبت الغزل,,
صار ينقال يا وسع صدرك ..
قلت قل ماشاء الله ..
لا تصكني بعين ,,
مايدري ان العين من حالتي تشتكي ..
اذا تعدى الهم همتي ..
ضحكت حتى ينقال ..وش بلاه
ضحكت حتى الكل يتمنى صحبتي..
ضحكت واخفيت المشاعر ..و نسيتهم حقيقتي ,,
ضحك من حولي ..حتى لحقيقة اني انسان انكروا
على بالهم اشوف الالوان ..وما ادري اش هي ؟
على بالهم مالي في التأمل و الفلسفة
ما كني بشر ..
واحلف برب البيت ان لي احاسيس الملحن والمغني ..
لا والله الا تعديت مشاعر الشاعر ..ولو يقارنها بمشاعري يستحي ..
مرهف ..ولو ان الكلمة في الحقيقة تنأخذ مني ..
نشب لي منهم ذاك الذي..
صار يحسدني و يترقب غلطتي ,,
ان مالقى ..فسّر كلامي على كيفه ..
و قدامهم يحاول يطلع فضيحتي ..
يا رب اصلحه
والا كما اخذت عقله كمل على روحه ..
نرجع للضحك و ضحكهم على حسابي مستمر ..
كيف لا وانا برسم البسمة مشتهر ..
صار ينطبق علي قول ابو نورة ..
"اعاني الساعة و اعاني مسافات ..و اعاني رياح الزمان العتية
واصور معاناتي حروف وابيات ..يلقى بها راعي الكدر جاذبية"
^^
وقفوا ..كثرة الضحك تميت القلب ..
وهي حقيقة ..ماتت قلوبهم وما قالوا كيف حالك ..
عاد اني بجاوبهم ..
ما يدرون ان الرجّال يثبت ..
لو الموت بعد سنتي ما يشتكي ..<< ملاحظة : سنتي يعني سنتيمتر ..فقط يعني مو مربع او تكعيب ..
اكتم الهم واقابل الخلق بوجه باسمٍ صافي
الاعب الطفل ..و اشد وقت الهوايل
يوصلني الهم وانا في عالي فرحتي
وانفخ في وجهه : اهجد والله ما تكسر عزتي ..
يجاوبني : بيجيك ..من المصايب جماعات وعشاير ..
جاوبت : جاني اشد منهم وارجل ..و احلف لك ..
ثبت بفضل الله ..ولغيره ما بنحني ..
^^
..افا يالعلم ..قسما من بعد التحدي بغيت اروح فيها ..خخخخخ
احم احم ..
كل ما قربت استسلم وارتخي..
يصيح شي في داخلي ..
اصمل يابو ..والا ما تستحق كلمة رجّال..
اووووه .. يا ذا الحمل الثقيل ..
افز وارفع الصوت لبيه يا عزتي..لبيه يا كرامةٍ في العمر مرة ..
ان طاحت وش عاد من نفسي بارتجي ..

بعدها يستشيط الهم ويتمغط غيضا ..
ويجيني الهم بهم ثاني اكبر من الحوت ..
احاول اهدي الوضع ..كأستراحة محارب لا اقل..
واقول : يلعن شكلك ترى الانسان له طاقة معينه ..<< عاش مصرف ههه
يجاوب : شكلك ما عرفتني ..
ارد : من اللي ما يعرفك الله يهب لك قنبلة
..وتطيح عزيمتي وتتهاوى قوتي ..
..ويرجع يصيح الصوت في داخلي ..
ونرجع لنفس الموال..
اتوقع نصير اصحاب انا والهم بعد مدة ..
لا انا اللي استسلم ولا هو إذا غاب طوّل الصّدة..


"و ندمت "

"و ندمت لك يا كلمةٍ طلعت من خاطري تشتكي"

^^
كان ذلك
مما طاح من موخي ..
اول مرة اكتب خاطرة لايك ذيس ..<< مدري اسمها صحيح خاطرة والا غلطان ..
في الخاطرة دي ما اقصد احد ابدا ..فلا يروح بالكم بعيد ,,
بس مريت على القسم دا ..وقلت خليني اجرب واديهم من كيسي خخخخ
ان شاء الله تعجبكم والي ما تعجبوا اصلا ما فرقت معايا
امزح امزح ..
ابغى منكم نقد صرييييح خالي من المجاملات ..
اللي تعجبو يقول نقاط الاعجاب والي ما اعجبتو يقول النقاط الي كرهها في الخاطرة..
شكرا و فضلا على المرور
..