[besho2009]

اول شي السلام عليكم

تاني شي حابة افهمكم شي من الي فهمتو من خلال الورقة حقت الانجلش الي اعطونا هيااا يوم

المراجعة

وازا اخطأت فمن نفسي ومن الشيطان ..

نظام البرنامج بالجامعة \

* يتكون من 4 مستويات \مقررات >> تتدرج من المبتدئ الى المتوسط

بحيث انو ندرس في كل فصل دراسي مستويين وننتهي من الاربع مستويات خلال الفصليين

الدراسييين الاول والثاني من السنة التحضيرية :)


* مدة الفترة الدراسية لكل مستوى ستة اسابيع في الفصل الدراسي بمعدل 18 ساعة اسبوعيا

ويكون الاسبوع السابع اختبار نهائي (( وكل مستوى لغوي يعتبر مقرر دراسيا كاملا ومستقلا ..

ولازم نجتاز كل مستوى عشان نروح للي بعده))

* دا الاختبار يكون اجباري ويعقد لمرة واحدة فقط وبناء على نتيجة الاختبار يتم تسكين الطلاب في

المستوى المناسب..

الاستثناء من دراسة مقررات اللغة الانجليزية \

بما ان الاختبار يقدم المستوى المتوسط في اللغة كحد اعلى فانه الطلاب الي ماشاء الله مستواهم فوق

المتوسط يستثوا من دراسته (يجيبوا في التوفل 400 كحد ادنى ، الايلتز 4.5 ) >> النتيجة تكون

رسمية وسارية المفعول ويشترط انه لا يكون الطالب عليه اعادة مقرر من المقررات الاربعة سبق

ورسب فيها وقت تقديم طلب الاستثناء :)

مثال لألية التسكين بالمستويات واحتساب الدرجات \

* نفرض زي ماهما افترضوا انه عبدالله ماراح الاختبار ==> تلقائيا المستوى الاول

*محمد دخل الاختبار وجاب نتيجة تؤهله للمستوى الثالث eli 103==> يدخل المستوى التالت

*عمر اعطاهم نتيجة اختبار التوفل ووضح فيها حصوله على 400 ==> اعفائه من جميع

المقررات الاربعة

الية احتساب الدرجات في المعدل \

* عبد الله يبدا من المستوى الاول الين ماينهي الرابع وتحسب درجة ادائه في كل مستوى في المعدل

باستثناء درجته في المستوى الاول >> يكتفوا فيه برمز الاجتياز او الرسوب

*محمد ياخد درجة اجتياز ورسوب في المستويين الاول والتاني (( الي عداهم )) من غير ماينحسبوا

في المعدل

ويبدأ ينحسبلو في المعدل من التالت

* عمر بس درجة انه اجتاز الاربع مستويات من غير ماتنحسب في المعدل

طريقة التقييم في المقررات \

دي خلوها لمن اصحى لانها بالانجلش اترجمها واضيفها

* زي ماقلنا لازم كل مستوى نختبرو عشان نروح للي بعدو ولازم نجيب 60 درجة كحد ادنى من

100 وازا جبنا اقل لازم نعيد نفس المستوى طوالي ..يعني ازا انا لاسمح الله جبت 50 في المستوى

التاني ما اقدر اروح للتالت الا لمن اعيد التاني

وتقريبااا بسسس

وفي رابط موجود ع الورقة نصحونا بزيارته

وإن شاء الله تكونوا فهمتو ولو شوية ..

وشكرا :)