مواد خطه "أ"
مهارات الاتصال (
لازم الكتاب يكون عندك لانه المذاكره منه واذا في المحاضره ماجبتيه عاادي لانه مررره سهل وتقريبا سعره 18 او 20 )
مهارات الحاسب (
برضوا لازم يكون عندك الكتاب لانه المذاكره منه وبرضوا سعره مو غالي اتوقع 70 المهم انه مايتجاوز 100ريال )
رياضيات 110 (
الكتاب لازم تشتريه لانه في كود للتسجيل في موقع الاون لاين حق الهوم ورك مرره مهم انكم تحلوا الهوم ورك لانه كان عليه بونس تقريبا 10 درجات وبالنسبه لسعره 145 ريال انا اشتريته من مكتبة الشقري حق الاولاد في الجامعه لانه كان عندنا في شطر الطالبات بـ 180 فرق 40 ريال تقريبا )
فيزياء 110[/color
]( الفيزياء مو كل الكتاب تاخذوه تقريبا 7 او 8 ابواب راح تلاقي الابواب مصوره في ملزمه ومرره مرتبه وصغيره مو زي الكتاب مرره كبير المهم راح تلاقيه في المكاتب اللي جنب الجامعه وممكن في الشقري "ماافتكر والله ")
انقلش (
احنا في دفعتنا "10" كانوا تقريبا كل شويه يغيروا في المستويات فأحسن شئ انكم تاخذوا وتصورا مع انه الكتاب الاصلي افتكر اشتريته من مكتبة الخوارزم اللي بالجامعه 130 تقريبا (للعلم هيا تقريبا 3 كتب للأنقلش ))
مواد خطه "ب"
احياء 110 (
عن تجربتي الشخصيه ماراح تحتاجوا الكتاب لانه المذاكره من التست بنك )
كيمياء 110 (
مررره مهم يكون معاكي الكتاب في المحاضره تفريبا سعره 140 من مكتبة الشقري )
احصاء 110 (
برضوا مهم يكون معاكي الكتاب في المحاضره ودوني عليه ملاحظاتكو تقريبا سعره 140 برضوا من الشقري )انقلش (
نفس الانقلش اللي فوق )
نصيحه جدااا مهمه : انكم ماتشتروا من جرير لانهم اسعاررهم مره غاليه افتكر وحد من صحباتي اشترت الكتاب بـ200 وشئ واحنا اخذناه ب 140 مرره فرق ..
النصيحه الثانيه انكم لواشتريتوا الكتب الترم الاول لاتشتروا الترم الثاني اذا تعرفوا احد من صحباتكم في الخطه الثانيه اتفقوا معاها انكم تبدلوا في الترم الثاني " انا وصحبتي كذا سوينا ^_^ " لانه ماراح تحتاجوا الكتب بعدين في التخصص او اذا احتجتوا ماراح تحتاجوها كلها ..
واخيرا اتمنى اني افدتكم وسوري طولت عليكم واي حاجه تبغوها انا في الخدمة ان شاء الله ..