السلام عليكم
بصراحة انا كنت ضايع ماني عارف اش ابغا >>>مزاجي
وانا صغير كان نفسي اكون عسكري وبعدين كبرت شوي صار نفسي اكون طيار وكبرت شوي صار نفسي اكون ممرض وكمان كبرت شوي وصار نفسي اكون طبيب لانه كان في استاذ يدرسنا الكيمياء في الثانويه قلي" انت دكتور" وانا اتحمست وصارت رغبتي وبعد ماتخرجت انقبلت طب في ام القرى وهندسة في عزوز (قولوا ماشاء الله تبارك الله) وفضلت الهندسة على الطب
وانا بدرس الهندسة ماني عارف اي تخصص اختار كان نفسي اول شي في الهندسة النووية وبعدين هندسة انتاج وبعدين هندسة كيميائية وما حصل نصيب ولا في وحدة ورموني هندسة طيران وكنت مرة زعلان قلت ابغا احول هندسة كيميائة >>>> اخر رغباتي
وقلت لو ماحولوني ابغا اسافر برة ادرس الهندسة الكيميائية >>>>ميت على الهندسة الكيميائية
وبعدين شديت حيلي والحمدلله حولوني التخصص الي ابغاه وكدا انتهت قصة حياتي اه اه اه قصدي قصة رغباتي
انا عارف اني طولت عليكم >>>>>> هوا بس طولت
يمكن في احد يستفيد من تجربتي >>>>>> ياعيني على التجربة
والسلام عليكم ورحمة الله وبركاته,,,