[عزتي عزوتي]

السلام عليكم ورحمة الله وبركاته
الحمد لله كنت من المقبولين اليوم
وعقبال الباقييييييييييين يااااارب
بس بصراحة ما توقعت إن المسألة بالبساطة هذي
واريحية ونظام ولسان يقطررررررررر عسل من منسوبات الجامعة
ما تسمع غير ياقلبي ...ياعيوني ...ياماما
ربي يسعدهم مررررة كانو فله
والمسأله مره سهله مو زي أول طباعة خمس مدري ست ورقات وتوقيع عليها وحاااااله
دحين بس ورقة المراجعة ومعاها الإقرار
والشهادة الأصل والصورة والأصل كمان يرجعوها لكي
وصورتين تكتبي عليها اسمك من ورا
هيا اللي رح يحطوها في الأوراق والثانية صورتك اللي رح تطلع في البطاقة
ونتيجة القدرات في موقع قياس
انا استغربت إنهم ما دقوو في مسألة الكشف الطبي
الله يسامحهم هم وربي لين ما عملنا دا الكشف وأخرتها تقول اللي ما عندها بعدين مو مهم دحين
المهم كل شي عدا بسلاااام ولله الحمد
..........
وفرررحة ما تنوصف لما سلموني البطاقة خلاص كأنه هم وانزاح
حسيت إن الإجاازه دووووووبها بدأت معايا
ربي يوفق الجميع
.............
يلااا يابنات ندخل جو في الموضوع وتقولولنا أصعب موقف مر عليكي في المراجعة
وأظرف موقف >>>>تبغى تضحك شوي

بالنسبة ليا أصعب موقف لما سملت أوراقي في بداية المشوار في أول قاعة
وحده من المنسوبات طالعت في الشهادة وتكلم زميلتها بالهمس
انا وقف الدم في عروقي
قلت عسى خييييييييييييييير

وبعدين مشي الموضوع عادي
بس وربي كانت اللحظات اللي تكلمو فيها مع بعض بالهمس مرت عليا كأنها أياااااام وشهوووور ودهوووور >>>اندمجت

أما أظرف موقف مري عليا وفي نفس الوقت حزني لأني تخيلت نفسي مكان البنت هذي
جات بنت للمراجعة بعد الساعة وحده الظهر
وجات تدخل حقت الأمن منعتها وقالتلها خلاص وقف التسجيل والمنسوبات خرجو أصلا

فقالت لها كيف انا جاية بدري أصلا موعدي الساعه 12-1 الليل
حقت الأمن والإثنين اللي معاها جلسو يطالعو في بعض مستغربين
وبعدين قامو يفهموها إن الموعد 12 -1 م يعني بعد الظهر مو الصباح

ياعيني عليها البنت كسرت خاطري قلت لو أنا مكانها بتجيني جلطه

وقالتلها تعالي بكرا بدري مره قبل المراجعين
ربي يوفقها وكل اللي بيتقدمو
يااااارب