[سلطان بن عبدالعزيز]

[quote=عازف الروح;2361008]

السلام عليكم ورحمة الله وبركاته الحمد لله رب العالمين اليوم بفضل من الله نزلت اخر نتيجه لي في الجامعه فن الاقناع وبها الماده اكون انهيت دراستي الجامعية وتخرجت ولله الحمد والمنه

وعليكم السلام ورحمة الله وبركاته

الف الف مبرووووووووك يالغالي ابونواف على التخرج

وعقبال الماستر والدكتوراه

ومعليش رديت متأخر لأنك عارف بعد الاختبارات سافرت وتوني وصلت للرياض

وقلت اول شي افتح المنتدى وابارك لأخواني الخريجين وانت اولهم يا صديقي

اولا شكر خاص لاخواني واصدقائي في حلي وترحالي وفي شقة الحرية سلطان بن عبدالعزيز ( ابو تالين ) وابو ريتال ( بيبو ) وابو لارا ( ABUSHOOOG ) واقول الله يعينكم الترم الجاي دورو لكم رابع يكمل لكم البلوت لاني من الحين ما اعرفكم والوجه من الوجه ابيض << سحب عليهم تراامزح الا والله احس اني ابفقد هالايام .. ويا زينها من ايام

لا شكر على واجب يالغالي ابو نواف وانت تستاهل كل خير

وبصراحة بيكون لك فقده كبيرة خاصة مني انا

لأني زاملتك من اول المسيرة وسجلنا في الجامعة سوا ورحلتنا بالسيارة سوا واختبارتنا اكثرها سوا

وكان المفترض اتخرج انا وإياك سوا عشان ننهي القصة سوا كما بديناها

بس انت تعرف المرض اللي مريت فيه السنة الماضية وتأثر معدلي وقلت حرام اتخرج ومعدلي نازل بعد كل هالمشوار فقررت اطلب ترم اضافي عشان ارفع المعدل واتخرج بإذن الله الترم القادم والحقك يالخوي

ويازينها من ايام ... ايام الشقة والسفر والله يوفقك في عملك وعلمك

وقبل انسى مبرووووووك لك المولود الجديد واللي يصلحه ويصير افضل من ابوه

ويصير صديق ولدي طلال ويسجلو سوا في الجامعة ويعيدون ذكرياتنا انا وانت الجامعية

واكتفي بردي عن النقاط السابقة ام عن باقي الموضوع فأنا عشته معك لحظة بلحظة ونفس القصة اللي صارت معك بحذافيرها من الترم الاول حتى الآخير

بس اللي فرق معي اني طلبت ترم اضافي زيادة عنك بحكم التعب اللي جاني واثر في معدلي شوي لكن بإذن الله الترم القادم اتخرج ونسجل سوا في الماستر إذا كتب الله لنا عمر

بصراحة الوصف عن مسيرتنا يعجز اللسان عن ذكره

لكن انت ما قصرت وذكرت كل ما يدور بالخاطر

والقادم آحلى يارب

وإن شاء الله اشوفك اليومين الجاية لأني توني جاي من رحلتي الصيفية مع الاهل

والله يعيين على الحر اللي بالرياض يبيلي كم يوم اتعود عليه

نشوفك على خير يالغالي

بالتوفيق للجميع