رد: حكايتي ..مع مسيرة لم تكلل بالنجاح((دعمكم))
مرحبا ندى..
أول شي الخيرة فيما اختاره الله... والله يعوضك باللي احسن منها ان شاء الله.
أنا بصراحة ما اقدر افيدك اي شي له علاقة بكلمة "تربوي"... لاني بعيد عن هالمجال تماماً. ولكن انا اؤمن بأن الانسان المفروض يدرس تخصص او مسار معين يكون فعلاً حابه ... يعني وش الفايدة أني ادرس تخصص مثلا اكون أنا اكرهه ويكون السبب اني اضمن وظيفة بعد التخرج على سبيل المثال.... اصلاً حتى الوظيفة راح اكرهها لان التخصص مش عاجبني من الاساس.
وانا لله الحمد انقلبت بماستر ادارة الاعمال..... السبب الاول لقبولي بعد مشيئة الله سبحانه وتعالى هي نتيجة اختبار القدرات...... الحمد لله كانت درجتي في القدرات فوق ال 90 ( ما شاء الله )... وهذا اللي ساعدني لان انا تقديري جيد... والخبرة ما فيها شي مميز مقارنة بباقي المتقدمين .
لذلك أن انصحك اختي انك تشدي حيلك بالقدرات.... حاولي تجيبين درجة أعلى... لان زي منتي شايفه عليه 40% بالمفاضلة بالماستر الموازي... واحتمال يكون عليه نفس النسبة بالماستر العام مستقبلاً.
برضو فيه نقطة ... نظرة لجنة القبول أحياناً تختلف عن نظرتك انتي كمتقدمه.... يعني ممكن ينظرون لطلبك من ناحية ثانية... يعني ممكن يقولون : ليش نقبل متقدمه تخصصها "دراسات طفولة" وحنا نستهدف خريجين حاسب الي ( على سبيل المثال).
عشان كذا ، اي طلب تقدمينه لاي جامعة يتكون من جزئين... جزء انتي ما تقدرين تسوين فيه شي ولا تقدرين تطورينه ( مثال التخصص ، المعدل التراكمي ، سنة التخرج ... الخ) وجزء ثاني تقدرين تطورينه وتحسنينه ....انتي حاولي تشتغلين على الجزء الثاني .... يعني اوكي العمل بالمدارس الاهلية صعب ويستهلك الطاقة والمقابل المادي ضعيف...... طيب اذا ما فيه خيار ثاني ، استعمليه...... على الاقل يحسب لك خبرة ... يعني يكون المقابل معنوي مش مادي وتحسب لك كنقاط في الخبرة مثلاً.
أتمنى اني اكون افدتك ولو بشكل بسيط... وسامحيني لو كان اسلوبي فيه هجوم شوي ولكن والله انا اقول الكلام هذا لمصلحتك.... وان شاء الله تحقق كل امانيك وطموحاتك عما قريب بأذن الله.
بالتوفيق أختي.
|