[أبو سلطان (سمو الروح )]

المشاركة الأصلية كتبت بواسطة sultanoo الاخ العزيز ( eh_9199 ) الرقم الذي ذكرته حول رسوم الماجستير في جامعة ام القرى مبالغ فيه !!! حسب علمي ان دراسة الماجستير في ام القرى سنتين سنه منهجية وسنه رسالة ( 18 + 15 ) = 33 الف ريال فقط . لكن ربما يختلف الوضع هذه السنة خاصة ان الانظمة والتعامل الاداري بجامعة ام القرى سيئ جداً جداً

بالعكس يااخي الكريم sultanoo

كلام اخونا eh_9199 هو الصحيح

فالدراسة في الكليات التربوية سنتين منهجية بـ 36 الف ريال + سنة للرسالة (على الاقل) بـ 15 الف ريال ولو زدات سنة ثانية تصير سنتين الرسالة بـ 30 الف ريال
يعني في النهاية عادي يدفعوك 66 الف ريال وانتا تضحك .

وتعرف ايش المصيبة في الموضوع ؟؟
انهم ياخذوا منك الـ18 الف ريال حق السنة الاولى مقدما حتى قبل ما يتم قبولك ؟؟

قلي كيف ؟؟

لما تقدم لهم وقبل المقابلة الشخصية يقولوا جيب ايصال ايداع الـ 18 الف ريال قبل المقابلة عشان نتاكد من جديتك - شوف بالله المنطق ؟؟!! -
( هذا الكلام اللي صار لي العام قسم بالله )

وشوف الامة الكبيرة اللي ياخذون فلوسهم وفي النهاية ما يقبلون منهم الا اعداد بسيطة !!!

وثالثة الاثافي

تعال شوف المرمطة اللي تتمرمطها عشان يردوا فلوسك الـ 18 الف اذا ما انقبلت
وربي في النهاية تحس انك تشحت !!

والمحزن في الموضوع انه اغلب العالم راحت استلفت قرض من البنك عشان تعطيهم حقهم وفي الاخير مافيه قبول
فكانت الخسارة خسارتين بسبب سوء التخطيط والفكر الاداري في هذه الجامعة
( عندي كلام كثير ودي اقوله في هذي الجامعة ولكن ماودي اضيق صدوركم )

للاسف وكما قال اخوي sultanoo
الانظمة والتعامل الاداري بجامعة ام القرى سيئ جداً جداً

والله يفرجها من عنده